Ułada158158

Narod razhulaŭsia: sotni ludziej na vulicach Minska, łukašenkaŭcy błakavali centr

Mietro nie spyniałasia na centralnych stancyjach. Aŭto z entuzijazmam sihnalili ŭdzielnikam hulańniaŭ.

Mietro nie spyniałasia na centralnych stancyjach. Aŭto z entuzijazmam sihnalili ŭdzielnikam hulańniaŭ.

20.17

Na Kastryčnickaj płoščy turnikiety jašče stajać, ale tudy ŭsich puskajuć. Praŭda, u žurnalistaŭ «NN» pierš pravieryli dakumienty i parailisia pa racyi z načalstvam.

20.09

Kala 200 čałaviek hulaje pablizu hatela «Jeŭropa» i «Hrand-kafe» na vulicy Lenina. Milicyja nie dazvalaje spyniacca — adrazu padychodziać i prosiać «adyjści».

20.01

Ludzi patrochu razychodziacca. Asobnyja hrupy pa niekalki dziasiatkaŭ čałaviek hulajuć pa praśpiekcie i vulicy Lenina. Kiroŭcy vitajuć ich sihnałami.

19.59

Adnaho z udzielnikaŭ akcyi na vulicy Lenina zatrymali dvoje ŭ ciomnaj vopratcy i paviali ŭ bok mietro, raspaviali vidavočcy karespandentu «NN».

19.48

Natoŭp, jaki adciaśniali ad Centralnaha skviera ŭ bok vakzała, «raśsiakajuć» — častku skiroŭvajuć u pierachod, častku na vulicu Lenina.

19.46

Milicyja adciaśniaje natoŭp ad cyrka ŭ bok płoščy Pieramohi. Kala 150 čałaviek staić na inšym baku praśpiekta, kala skryžavańnia z vulicaj Janki Kupały.

19.42

Kala siamidziesiaci čałaviek z vopleskami pierajšli praśpiekt ad cyrka da skviera Janki Kupały.

19.37

Kala cyrka taksama kala 400–500 čałaviek, jość asobnyja hrupy la Kupałaŭskaha skviera. Moładź machaje kiroŭcam, što jeduć praśpiektam. Aŭto sihnalać u adkaz.

19.27

Milicyja adciaśniaje ŭdzielnikaŭ akcyi z Centralnaha skviera na praśpiekt, u bok Nacyjanalnaha banka. Robiać heta nie śpiecnazaŭcy, a zvyčajnyja milicyjanty ŭ formie PPS.

19.22

Ahulnuju kolkaść udzielnikaŭ minskich narodnych hulańniaŭ, arhanizavanych sacyjalnymi sietkami, možna acanić u bolš čym tysiaču čałaviek.

19.21

Fizkulturniki sychodziać z Kastryčnickaj płoščy. Ačapleńnie zastajecca.

19.16

Dziesiać śpiecnazaŭcaŭ pierabiehli praśpiekt i kirujucca da natoŭpu ŭ Centralnym skviery.

19.12

Śpiecnaz miakka adciaśniaje natoŭp dalej ad płoščy — łancuh milicyjantaŭ spyniŭsia nasuprać uvachodu ŭ «Centralny», što bližej da mietro. Mašyny, jakija jeduć praśpiektam, vitalna sihnalać udzielnikam akcyi. Natoŭp, jaki staić na druhim baku praśpiekta, la Centralnaha skviera, čas ad času pačynaje plaskać u ładki.

19.07

Častka ludziej pierajšła praśpiekt i staić kala Centralnaha skviera. Tam niekalki sotniaŭ čałaviek. Taksama ludzi stajać na tratuary la «Centralnaha», u abodvuch skvierach na vulicy Lenina abapał praśpiekta, kala HUMa.

19.04

U padziemnym pierachodzie pad praśpiektam kala «Makdonaldsa» vielmi mnoha ludziej. Z-za hetaha moža ŭtvarycca ciskanina. Situacyja tam dosyć niebiaśpiečnaja, paviedamlaje karespandent «NN».

18.56

Šerah śpiecnazaŭcaŭ zaharadziŭ tratuar i z boku «Makdonaldsa». Ludziej vypuskajuć, ale nie ŭpuskajuć. Na płoščy źjaviŭsia Uładzimir Niaklajeŭ. Jon staić kala turnikietaŭ z boku vulicy Enhielsa ŭ atačeńni žurnalistaŭ.

18.52

Hrupka ŭdzielnikaŭ akcyi, jakuju śpiecnaz adciaśniaŭ uniz pa vulicy Enhielsa, dajšła da skryžavańnia ź Internacyjanalnaj i prosta razyšłasia ŭ roznyja baki.

18.51

Stancyja mietro «Kupałaŭskaja» taksama nie pracuje.

18.46

Niekalki milicyjantaŭ z ruparami tłumačać natoŭpu la «Centralnaha», što tut nielha źbiracca. «A maroziva jeści možna?» — pytaje moładź. «I maroziva nielha!» — adkazvajuć milicyjanty. Łancuh śpiecnaza pierakryŭ padychody da płoščy z boku «Centralnaha». Hrupku ludziej čałaviek u sorak adciskajuć pa vuł. Enhielsa ŭ bok Płoščy Svabody.

18.45

Na Kastryčnickaj nie spyniajecca mietro i naziemny transpart.

18.42

Płošča Svabody taksama pierakrytaja turnikietami. Milicyja nikoha tudy nie puskaje. Kala ratušy — piać aŭtobusaŭ z zaciemnienym škłom.

18.40

Śpiecnaz i ludzi ŭ cyvilnym raz za razam zaklikajuć «prachodzić», «nie stvarać natoŭp».

18.38

Pres-sakratar HUUS Łastoŭski skazaŭ, što nie adkazvaje za kantrolna-prapuskny režym na płoščy, ale dostup na jaje abmiežavany.

18.36

Uzdoŭž vulicy Enhielsa i kala «Centralnaha» sabrałasia 150–200 udzielnikaŭ akcyi.

18.30

Na abharodžanuju turnikietami terytoryju nie puskajuć navat žurnalistaŭ z paśviedčańniami supracoŭnikaŭ ŚMI. Śpiecnazaŭcy ŭ čornaj formie tłumačać heta tym, što žurnalisty nie majuć «dazvołu pres-centru HUUS», što dostup na repietycyju paradu abmiežavany.

18.21

Na abharodžanuju turnikietami častku płoščy nikoha nie puskajuć. Usich adpraŭlajuć u abychod uzdoŭž turnikietaŭ «pakul nie skončycca mierapryjemstva». U tych niešmatlikich (u asnoŭnym žurnalistaŭ), kaho prapuskajuć, śpiecnaz praviaraje sumki.

18.19

Studentaŭ pastavili ŭ šerahi, jany robiać fizičnyja praktykavańni. Ź imi čatyry žančyny-kiraŭnički.

18.13

Śpiecnaz sahnaŭ astatnich udzielnikaŭ z centra płoščy, kab «nie zaminali repietycyi». Taksama zhaniajuć ludziej z prystupak Pałaca prafsajuzaŭ. Čamu? Śpiecnazaviec zmoh patłumačyć karespandentu «NN» tolki toje, što «tut nie miesca, nielha tut znachodzicca».

18.10

Fizkulturniki kažuć, što u ich zaraz budzie repietycyja mierapryjemstva da paradu 3 Lipienia. Jany šychtujucca ŭ centry płoščy.

18.07

Z mašyny z hukaŭzmacnialnaj aparaturaj vyjšła žančyna ź mikrafonam i zaklikała: «Rabiaty z Akademii fizkultury, vychodzim na centr płoščy». Na jaje zaklik natoŭp maładzionaŭ, kala siamidziesiaci čałaviek, ruchajecca ad ekrana i ź pierachoda mietro da centra płoščy.

17.59

Na placoŭcy la Doma aficeraŭ, nad uvachodam u mietro «Kastryčnickaja», staić pažarnaja mašyna, abstalavanaja vadamiotam i aŭtazak. Cikava, što ŭ kabinie bajavoj mašyny biełaruskaha śpiecnaza visić vympieł z vyjavaj rasijskaha trykałoru. Taksama karespandenty «NN» adznačajuć vialikuju kolkaść «asobaŭ u cyvilnym» na płoščy i na padychodach da jaje.

17.57

Za hadzinu da abvieščanaha ŭ sacyjalnych sietkach pačatku akcyi na Kastryčnickaj sabrałasia kala saraka čałaviek. Ludzi prosta stajać hrupkami. Nie majuć nijakich płakataŭ i simvoliki. Tolki adzin chłopiec stajaŭ ź listom papiery: «Chto na fłešmob?»

17.46

Kala płoščy z boku vulicy Enhielsa zabaranili parkavacca, paviedamlaje karespandent «NN».

17.42

Na pytańnie, ź jakoj pryčyny Kastryčnickaja płošča abniesienaja turnikietami, śpiecnazaŭcy adkazali: «Biez paniaćcia».

17.40

Usia płošča abniesienaja turnikietami. Pakinuli niekalki ŭvachodaŭ — ad «Centralnaha», ad Pałaca prafsajuzaŭ, kala prypynka aŭtobusa № 100. La ŭvachodaŭ — śpiecnazaŭcy ź mietałašukalnikami. Ale pakul usich volna puskajuć i nie abšukvajuć. Na płoščy taksama staić mašyna z hukaŭzmacnialnaj aparaturaj.

16.47

Jak paviedamiŭ karespandent «NN», na Kastryčnickaj płoščy za Pałacam Respubliki ad vulicy Internacyjanalnaj stajać 10 milicejskich aŭtobusaŭ i dva aŭtazaki. Taksama aŭtobusy ź milicyjaj jość u dvarach za univiersamam «Centralny». Milicyjanty ŭ čornaj formie vynosiać z Pałaca Respubliki mietaličnyja turnikiety. Vidać, dostup na płošču źbirajucca abmiažoŭvać.

Praśpiekt Niezaležnaści, jak zaŭždy, zapoŭnieny ludźmi.

U sacyjalnych sietkach Vkontaktie i Fejsbuk naradziłasia inicyjatyva vychodzić na centralnyja płoščy svaich haradoŭ na narodnyja hulańni kožnuju sieradu, a 19-j. 8 červienia takaja akcyja sabrała na Kastryčnickaj u Minsku kala 400 čałaviek. Hulańni adbylisia i ŭ dziasiatku rehijanalnych haradoŭ. Narodnyja hulańni, biez transparantaŭ i ściahoŭ, — takaja forma pratestu abranaja, kab udzielnikaŭ nielha było źvinavacić u arhanizacyi niesankcyjanavanaj akcyi. Patrabavańni ŭdzielnikaŭ prazrystyja i biez łozunhaŭ — palityčnyja i ekanamičnyja pieramieny.

Kamientary158

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U vyniku ŭdaru pa Daniecku zahinuŭ kamandujučy adnoj z rasijskaj armij1

U vyniku ŭdaru pa Daniecku zahinuŭ kamandujučy adnoj z rasijskaj armij

Usie naviny →
Usie naviny

U vioscy pad Oršaj pry padrychtoŭcy da Dažynak źniščyli histaryčnyja budynki3

Sankcyjnaja palityka administracyi Trampa dazvalaje Rasii papaŭniać vajskovy biudžet2

Muž Marharyty Laŭčuk byŭ paranieny na froncie5

Zialenski pazbaviŭ ukrainskaha hramadzianstva mitrapalita UPC Anufryja2

Na minskaj Kamaroŭcy ŭ dva razy patańnieli lisički

U Minsku zakładčyk padmanvaŭ narkašop: zamovy prymaŭ, ale narkotyki pakidaŭ sabie3

Pravakatar, jaki nakinuŭsia na Łatušku, dniami kryčaŭ «Hańba!» i Paźniaku10

Siarhiej Cichanoŭski raskazaŭ, za kaho b jon prahałasavaŭ na budučych prezidenckich vybarach64

Katavańnie pierfarataram. Minčanka sutyknułasia z «viečnym» ramontam u susiedziaŭ

bolš čytanych navin
bolš łajkanych navin

U vyniku ŭdaru pa Daniecku zahinuŭ kamandujučy adnoj z rasijskaj armij1

U vyniku ŭdaru pa Daniecku zahinuŭ kamandujučy adnoj z rasijskaj armij

Hałoŭnaje
Usie naviny →

Zaŭvaha:

 

 

 

 

Zakryć Paviedamić