Ad aficyjnaha kursa jon adroźnivajecca na 25%.
Čorny rynak valuty padbirajecca da raŭnavahi. Na praciahu apošnich dzion i valutčyki, i internet-kramy, i karystalniki sajta prokopovi.ch bačać abjektyŭnym adznaku kala 6200 rubloŭ. Padobny kurs trymajecca i ŭ abmieńnikach u Vilni. Heta značycca, što kurs kupli składaje 6050-6200 rubloŭ, a kurs prodažu - 6200-6300 rubloŭ.
Nahadajem, što Nacbank, u svaju čarhu, jašče 15 červienia abviaściŭ kurs 5000 rubloŭ za adzin dalar “adzinym raŭnavažkim na ŭsich siehmientach unutranaha valutnaha rynku”.
Takim čynam, razryŭ pamiž aficyjnym i čornym kursam dalara składaje 25%.Tym nie mienš biełaruskija ŭłady nie nastrojeny zmahacca z hetym dysparytetam. Kiraŭnik dziaržavy Alaksandr Łukašenka niaraz zajaŭlaŭ «što pakul nie bačyć padstaŭ, kab kurs vyras vyšej za 5 000 rubloŭ za $1. Tak i adbyvajecca -- tolki adnojčy dalar dajšoŭ da maksimalnaha ŭzroŭniu 4998 rubloŭ.
Acanić bieznajaŭny kurs dalara nie ŭjaŭlajecca mahčymym praz zabaronu praviadzieńnia apieracyj pa kursie, jaki adroźnivajecca ad aficyjnaha bolš, čym na 2%. Usie apieracyi z adchileńniem ad hetaha kursa syšli ŭ hłyboki cień.
Dźmitryja Łukašenki nie było z baćkam i bratami na adznačeńni 3 Lipienia24
Kamientary