9 lipienia «Biełaruski partyzan» paviedamiŭ pra toje, što na adkryćci «Słavianskaha bazaru» art-hrupa «Chor Tureckaha» zrabiła furor: muzyki vykanali ŭ prysutnaści Alaksandra Łukašenki pieśniu Viktara Coja «Zorka na imia Sonca» i niekalki razoŭ prakryčali sa sceny «Žyvie Biełaruś!»
U pres-słužbie art-hrupy «Chor Tureckaha» karespandentu «NN» paviedamili, što vystupleńnie ŭ Viciebsku było ciopła sustretaje publikaj. Tam adznačyli, što tvory hurtu Viktara Coja jany stała vykonvajuć na samych roznych scenach, u tym liku i ŭ Biełarusi na «Słavianskim bazary», upryvatnaści ŭ 2009 hodzie. U pres-słužbie padkreślili, što tvorčaść «Chora Tureckaha», sam kalektyŭ — pa-za palitykaj. Tamu kazać pra toje, što vykanańniem tych, ci inšych tvoraŭ jany chacieli vykazać kamu b to ni było simpatyju, ci padtrymku, było b nie zusim pravilna. «My śpiavali ŭ Viciebsku «We Are The Champions». Heta taksama apazicyjnaja pieśnia?»
Vystupleńnie «Chora Tureckaha» ŭ Viciebsku ŭ 2009 hodzie:
