«Heta nie ŭsie vakoł pamylajucca, heta Łukašenka i jaho atačeńnie pamylajucca»
Parłamienckaja asambleja ABSIE pryniała rezalucyju pa Biełarusi: patrabujuć vykanańnia zakonaŭ i pravoŭ čałavieka.
Na štohadovaj siesii Parłamienckaj asamblei Arhanizacyi pa biaśpiecy i supracoŭnictvie ŭ Jeŭropie (PA ABSIE) 9 lipienia ŭ Białhradzie ŭchvalena rezalucyja pa Biełarusi.
Jaje prajekt, skiravany na «adnaŭleńnie dyjałohu» ź Minskam, byŭ prapanavany dla abmierkavańnia kiraŭnicaj rabočaj hrupy pa Biełarusi PA ABSIE Utaj Capf. Biełaruś zaklikajuć vyzvalić palityčnych źniavolenych, zatrymanych u suviazi z demanstracyjami ŭ śniežni 2010 hoda; dazvolić palitźniavolenym kansultavacca ź jurystami, sustrakacca ź siem`iami, atrymlivać miedycynskuju dapamohu; dazvolić ujezd u krainu niezaležnym ekśpiertam, pryznačanym u miežach Maskoŭskaha miechanizma; raźvivać zakanadaŭstva ŭ śfiery ŚMI ŭ adpaviednaści ź mižnarodnymi abaviazacielstvami krainy.
Pryniaćcie hetaj rezalucyi abmiažuje, kali nie źviadzie da nula, mahčymaść dyjałohu ź Biełaruśsiu, zajaviŭ na siesii PA ABSIE, jakaja tranślavałasia praz sajt asamblei, namieśnik staršyni pałaty pradstaŭnikoŭ Nacyjanalnaha schodu Biełarusi Viktar Huminski. Na dumku parłamientaryja, situacyja ŭ krainie «stabilnaja i pradkazalnaja» i ŭ pryniaćci takoj rezalucyi niama nieabchodnaści. «Tekst maje šmat tendencyjnych farmulovak ahulnaha płana», — zajaviŭ Huminski.
«Rezalucyja — nie zaprašeńnie da dyjałohu i nie praciahnutaja ruka», — zajaviła člen kamisii Pałaty pradstaŭnikoŭ pa mižnarodnych spravach i suviaziach z SND Valancina Lavonienka. Jana nazvała dakumient «paviarchoŭnym, praduziatym i sub`iektyŭnym», adznačyŭšy, što jaho tekst «vytrymany ŭ duchu dyktatu i niedavieru».
Litoŭski parłamientaryj VilijaAleknajte-Abramikienie zadała kaleham pytańnie: «U jakoj inšaj krainie my sutykajemsia z faktam, što amal usie kandydaty ŭ prezidenty, za vyklučeńniem pieramožcy, akazvajucca ŭ turmie?»
Brytanski parłamientaryj Toni Łojd adznačyŭ, što ABSIE imkniecca dapamahčy Biełarusi prasunucca da lepšaha vykanańnia pravoŭ čałavieka, ale «režym u Minsku pieraškadžaje hetamu, i heta trahiedyja dla Biełarusi».
«Heta nie ŭsie vakoł Biełarusi pamylajucca, heta prezident Łukašenka i jaho atačeńnie pamylajucca», — padkreśliŭ Łojd.
Kamientary