«U Maskvie pra mianie nie kryčać, ale havorać», — zajaviła žurnalistam śpiavačka Palina Smołava 12 lipienia padčas «Zornaj hadziny» ŭpres-centry «Słavianskaha bazaru ŭ Viciebsku».
Na tradycyjnuju fiestyvalnuju sustreču z pradstaŭnikami ŚMI byli zaprošany artysty, jakija ŭ roznyja hady stali pieramožcami i łaŭreatami mižnarodnaha konkursu vykanaŭcaŭ estradnaj pieśni «Viciebsk».
Smołava zavajavała
Pra toje, jak składvajecca jaje žyćcio i karjera ŭ rasijskaj stalicy, Palina padzialiłasia z žurnalistami: «Viadoma, pra mianie ŭ Maskvie nie kryčać, ale ŭsio ž havorać. I ja budu rabić usio dla taho, kab hetyja razmovy stanavilisia ŭsio bolš mocnymi, jarkimi, kab hetyja razmovy ja paćviardžała svaim dziejańniem, svaim hołasam, svaimi chitami. Ja vielmi rada, što maja darožka nie staić na miescy, što ja idu. Pry hetym ja z zadavalnieńniem pryjazdžaju ŭ Biełaruś, tut maje svajaki, siabry, maje prychilniki, maja pieršaja scena.
Ale zaraz ja ŭ Maskvie, vyjšła zamuž, žyvu, pracuju, pišu pieśni».
Na pytańnie adnaho z rasijskich žurnalistaŭ, u jakich prahramach jaje možna ŭbačyć, śpiavačka pažartavała: «A vy ščoŭkajcie kanałami. Napeŭna, drenna ščoŭkajecie».
