«Briestskomu kuŕjeru» narešcie «pradjavili abvinavačańnie»

Redakcyja niedziaržaŭnaj haziety «Briestskij kuŕjer» 3 studzienia atrymała list – kopiju adkazu Ministerstva suviazi i infarmatyzacyi deputatu Pałaty pradstaŭnikoŭ Valancinie Kačan.

Deputat z Bresta V. Kačan źviarnułasia ŭ śniežni ŭ Minsuviazi z pryčyny vyklučeńnia haziety «Briestskij kuŕjer» z padpisnoha katałoha na 2007 hod i admovy Bresckaha filijała RUP «Biełpošta» raspaŭsiudžvać hazietu pa padpiscy, a taksama dastaŭlać ŭ rajonnyja centry vobłaści.

U aficyjnym adkazie deputatu za podpisam namieśnika ministra suviazi N. Haŭryłavaj śćviardžajecca, što na praciahu 2006 hodu hazieta «Briestskij kuŕjer» «nie ŭ poŭnaj miery vykonvała ŭmovy damovy, što vyklikała za saboj dadatkovyja materyjalnyja i pracoŭnyja vydatki z boku pošty. Na parušeńnie damoŭnych abaviazkaŭ nieadnojčy ukazvałasia redakcyi haziety kiraŭnictvam Bresckaha filijała RUP «Biełpošta».

«Za minuły hod, jak i za 16 hadoŭ isnavańnia haziety, redakcyja «Briestskoho kuŕjera» nie atrymoŭvała ad kiraŭnictva pošty nivodnaha piśmovaha paviedamleńnia, dzie b uzhadvalisia fakty parušeńnia damoŭnych abaviazkaŭ z boku redakcyi», – paviedamiŭ supracoŭniku słužby manitorynhu BAŽ hałoŭny redaktar «Briestskoho kuŕjera» Mikałaj Alaksandraŭ.

Bolš taho, nahadajem, u vieraśni minułaha hoda Brescki filijał RUP «Biełpošta» dasłaŭ u redakcyju «Briestskoho kuŕjera » prapanovu ŭklučyć vydańnie ŭ padpisny katałoh na 2007 hod.

Redakcyja vykanała ŭsie nieabchodnyja ŭmovy i atrymała ad Bresckaha filijału «Biełpošty» aficyjnaje paćvierdžańnie, što hazieta ŭklučana ŭ katałoh.

Ale potym listom ad 10 kastryčnika 2006 h. kiraŭnictva hetaha ž filijała paviedamiła, što «damova na raspaŭsiud i dastaŭku «Briestskoho kuŕjera» zakančvajecca 31 śniežnia 2006 hoda i dalej praciahnuta nie budzie. U suviazi z hetym na novy padpisny pieryjad hazieta budzie vyklučana z Katałoha pieryjadyčnych vydańniaŭ».

Pryčyna admovy raspaŭsiudžvać hazietu ŭ liście nazvana nie była. Adnačasova siarod supracoŭnikaŭ paštovych adździaleńniaŭ była raspaŭsiudžana słužbovaja infarmacyja, što padpiska na «BK» prypyniena «časova, da asobnaha ukazańnia».

Pavodle słovaŭ Mikałaja Alaksandrava, paśla skasavańnia padpiski na «Briestskij kuŕjer» da «Biełpošty» pačali źviartacca čytačy vydańnia, pradstaŭniki hramadskich i prafsajuznych arhanizacyj. U vyniku pieramoŭ kiraŭnictva redakcyi i pošty padpiska na hazietu «Briestskij kuŕjer» była adnoŭlena tolki z 15 śniežnia 2006 hodu.

Za apošnija dziesiać dzion padpisnoj kampanii (z 15‑ha pa 25‑ha śniežnia) na «Briestskij kuŕjer» padpisałasia 540 čałaviek. Mikałaj Alaksandraŭ miarkuje, što kali b padpiska adbyvałasia ŭ zvyčajnym režymie, kolkaść padpisčykaŭ składała, jak minimum 2000 čałaviek.

«Kali ŭličyć, što indyvidualnaja padpiska adnaho asobnika haziety na adzin miesiac prynosić redakcyi 2600 rubloŭ, a pošcie – 2640 rubloŭ, možna kazać, što RUP «Biełpošta» pa ŭłasnaj inicyjatyvie pazbaviłasia vialikaj sumy hrošaj» – paviedamiŭ hałoŭny redaktar «Briestskoho kuŕjera».

Nahadajem, padčas padpisnych kampanij na 1‑ie i 2‑ie paŭhodździe 2006 hoda «Biełpošta» taksama prypyniała biez tłumačeńniaŭ padpisku na niedziaržaŭnuju hazietu «Briestskij kuŕjer».

• 0
• 0
• 0
• 0
• 0
• 0
• 0
• 0