U Krasnajarsku pamior bramnik futbolnaha kłuba, jaki atrymaŭ traŭmu padčas matču 1

U Krasnajarsku pamior bramnik žaleznahorskaha futbolnaha kłuba «Atam» Andrej Paščanka, jaki atrymaŭ padčas matču traŭmu.

Daktary tydzień zmahalisia za žyćcio spartoŭca, ale tak i nie zmahli vyvieści jaho z komy.

6 lipienia padčas sustrečy kamand «Tatem» (Krasnajarsk) i «Atam» (Žaleznahorsk) u ramkach čempijanatu Krasnajarskaha kraju na 29-j chvilinie ŭ vyniku sutyknieńnia z krasnajarcam Ivanam Aharkovym bramnik atrymaŭ surjoznuju traŭmu hałavy. Paśla hetaha matč byŭ spynieny, a pa paciarpiełaha pryjechała chutkaja. U špitali Andreju Paščanku pastavili dyjahnaz «pierałom skronievaj kostki» i zrabili apieracyju.

Uvieś minuły tydzień 35-hadovy futbalist znachodziŭsia ŭ krytyčnym stanie. Paśla zroblenaj jamu trepanacyi čerapa i vydaleńnia hiematomy stan bramnika kłuba rezka pahoršyŭsia.

«U Andreja vielmi ciažki stan. Choć miedyki i zrabili ŭsio mahčymaje, vyratavać jaho moža tolki cud», — paviedamiŭ lipienia 7 trenier «Atama» Kanstancin Kamałtynaŭ.

Trenier «Atama» nazvaŭ epizod «hulniavym» i adznačyŭ, što nie źbirajecca pisać niejkich pretenzij.

ITAR-TASS

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH