Carkva Praabražeńnia Haspodniaha ŭ Porpliščy Dokšyckaha rajona pieražyła čarhovy ramont.
Tak vyhladała carkva ŭ Porpliščy da ramontu. Fota Kastusia Šastoŭskaha, www.radzima.org.
Dva hady tamu jaje častkova abšyli sajdynham. Fota Pomniki.budzma.org.
Interjer carkvy pafarbavali alejnymi farbami. Fota Pomniki.budzma.org.
Interjer carkvy pafarbavali alejnymi farbami. Fota Pomniki.budzma.org.
Abjavy ŭ carkvie ŭ Porpliščy. Fota zroblenaje ŭ časie vandroŭki «NN» na Viciebščynu ŭ 2009 h.
Draŭlanaja carkva ŭ Hoščavie taksama zaznała jeŭraramont. Fota Globus.tut.by
Cybuliny na byłym kleckim kaściole. Fota Ludmiły Prakopavaj, «Intex-press».
Cybuliny na navahrudskaj carkvie Barysa i Hleba. Fota Siamiona Piečanka.
Dva hady tamu draŭlanuju carkvu XVII st. u vioscy Porplišča častkova pakryli sajdynham. Sioleta ramont praviali ŭnutry carkvy — interjer unikalnaha chrama zafarboŭvajecca alejnymi farbami. Na dumku staršyni dobraachvotnaha tavarystva achovy pomnikaŭ Antona Astapoviča heta źjaŭlajecca kryminalnym złačynstvam. Jon źviarnuŭsia ŭ prakuraturu rajona ź listom, u jakim prosić pryciahnuć ad adkaznaści arhanizataraŭ i vykanaŭcaŭ pracaŭ u carkvie ŭ adpaviednaści z č.2 art. 344 KK za naŭmysnaje paškodžańnie historyka-kulturnaj kaštoŭnaści hrupaj asobaŭ.
Vypadak z carkvoj u Porpliščy, kali carkoŭny prychod sumiesna ź śviatarom prarablajuć chramy na svoj kapył, časta bieź viedama adpaviednych orhanaŭ ułady, nie adzinkavyja. Najbolš raspaŭsiudžanym źjaŭlajecca čaplańnie kupałaŭ-cybulin na dachi bažnicaŭ, jakim takija abnaŭleńni nie padychodziać pa styli i charaktary. Tak, u 2008 hodzie ŭ Klecku miascovy nastajaciel ustalavaŭ «cybuliny» na dach byłoha Daminikanskaha kaścioła. Letaś kupały-cybuliny źjavilisia na carkvie Barysa i Hleba ŭ Navahrudku. A draŭlanuju carkvu ŭ Hoščavie Ivacevickaha rajona ŭpryhožyli «cybulinami», škłopakietami i sajdynham u 2008 hodzie. I heta daloka nie poŭny śpis.
***
Carkva Praabražeńnia Haspodniaha ŭ Porpliščy. Voś što pra jaje piša «Biełaruskaja encykłapiedyja»: U centry vioski, nasuprać kaścioła, kala darohi Dokšycy — Hłybokaje. Pabudavana ŭ 1627 h. z dreva jak unijackaja. Adnoŭlena ŭ 1794 h., aśviačona paśla kapitalnaj pierabudovy 18.10.1881 h., u 1884 h. prybudavana zvanica.
Pomnik narodnaha dojlidstva z rysami kłasicyzmu. Chram vyrašany vyciahnutym pa padoŭžnaj vosi kryžova-kupalnym abjomam. Skryžavańnie 2-schilnych dachaŭ pramavuholnych trapieznaj, apsidy i bakavych prydziełaŭ zavieršana mahutnym 8-hrannym śvietłavym barabanam, pierakrytym paŭśfieryčnym kupałam z padkryžavym lichtarom. Nad prytvoram nadbudavany 2 čaćvierykovyja jarusy zvanicy, zavieršanaj šatrom.
U interjery siarodkryžža pierakryta 8-hrannym kupałam na padpružnych arkach. U babincy na 2 słupach raźmieščany chory. U ikanastasie vykarystany frahmienty ŭcalełaha raznoha draŭlanaha ŭnijackaha ałtara XVIII st., jon pakryty raznym raślinna-arnamientalnym dekoram u styli baroka, upryhožany draŭlanaj skulpturaj aniołaŭ, dekaratyŭnymi vazami.
