Deficyt rubloŭ u bankamatach? Nacbank abviarhaje 19

Bank «Maskva-Minsk» ŭvioŭ limit na adnarazovaje zdymańnie rubloŭ u pamiery nie bolš za 300 tysiač. Ahienctvu “Interfaks” u banku heta patłumačyli tym, što Nacbank nie ŭ poŭnym abjomie zadavalniaje zajaŭki bankaŭ na atrymańnie najaŭnych.

Prablemy jość i ŭ inšych bankach. Sapraŭdy, karespandent «Našaj Nivy» ŭ piatnicu nie zmoh źniać svoj zarobak u troch bankamatach zapar: «Bielinviestbanka», «Biełarusbanka» i «Biełahraprambanka».

Razam z tym, u razmovie z karespandentam «NN» supracoŭniki «Biełarusbanka» i «Bielinviestbanka» nazvali deficyt rubloŭ techničnym zbojem. Takija prablemy zdarajucca ŭ Biełarusi ŭ apošnija ŭsio čaściej.

Čutki pra ŭviadzieńnie sutkavaha limitu zdymańnia rubloŭ prymušajuć biełarusaŭ pierastrachoŭvacca i ździajśniać pieryjadyčnyja «nabiehi» na abmieńniki.

U vyniku najaŭnyja rubli skančajucca, a inkasacyja časam zatrymlivajecca na dzień-dva. U pryvatnaści, voś užo katory dzień zapar nie pracuje bolšaść bankamataŭ «BiełŚvisBanka».

Pradstaŭniki Nacbanka ŭpeŭnivajuć, što zajaŭki kamiercyjnych bankaŭ pa-raniejšamu vykonvajucca. «Zajaŭki rastuć, my pravodzim ich analiz, i ŭsie pieršačarhovyja patrabavańni bankaŭ u najaŭnych u biełaruskich rublach my imkniomsia zadavolić», — kamientuje načalnik hałoŭnaha ŭpraŭleńnia Nacbanka pa Minsku i Minskaj vobłaści Vasil Pałonski.

JAV

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH