Z patrabavańniem spynić paliŭnuju sprečku źviarnułasia siońnia da Maskvy i Miensku Eŭrakamisija
Jak vynikaje z zajavy, źmianšeńnie naftavych pastavak u Eŭropu adčuli siońnia na sabie mnohija žychary Brusela. Dakładnyja ŭździejańni pryspynieńnia naftavaha zabieśpiačeńnia buduć daśledvanyja, jak i nadziejnaść Rasiei u jakaści ekanamičnaha partnera, vynikaje sa zvarotu Eŭrakamisii.
Za chutkaje ŭrehulavańnie rasiejska‑biełaruskaha kanfliktu vystupiła i MAHATE. Pavodle pradstaŭnika Mižnarodnaj ahiencyi pa atamnaj enerhii, Eŭropa ŭ vypadku nieabchodnaści moža vykarystać stratehičnyja naftavyja zapasy.
Eŭrapiejskaja kamisija ličyć, što rasiejska‑biełaruski naftavy kanflikt ŭpłyvaje na sytuacyju ŭ eŭrapiejskich krainach. Naftapierapracoŭčyja zavody Niamieččyny, Polščy, Vuhorščyny, Čechii m Słavaččyny ŭ mnohim zaležać ad pastavak paliva pa naftapravodzie «Družba».
Pradstaŭnik Eŭrakamisii Feran Taradełas Espuni nazvaŭ absalutna nieprymalnaj sytuacyju, kali pastaŭščyki i tranzytnyja krainy nie infarmaujuć svaich partneraŭ pra rašeńni, jakija ŭpłyvajuć na pastaŭki enerhanośbitaŭ.
