U Biełarusi z 1 žniŭnia budzie dziejničać novy biudžet pražytačnaha minimumu. BPM padvyšajecca na 28,9% da 442360 rubloŭ,
paviedamiŭ namieśnik ministra pracy i sacyjalnaj abarony Ihar Staravojtaŭ siońnia na pasiadžeńni kalehii viedamstva.
Pastanovaj Savieta ministraŭ № 1015 ad 28 lipienia zaćvierdžany biudžet pražytačnaha minimumu ŭ siarednim na dušu nasielnictva ŭ cenach červienia hetaha hoda ŭ raźliku na adzin miesiac. Pieryjad dziejańnia hetaha sacyjalnaha narmatyvu - z 1 žniŭnia pa 31 kastryčnika 2011 hoda.
Biudžet pražytačnaha minimumu pa asnoŭnych sacyjalna-demahrafičnych hrupach u cenach červienia ŭ raźliku na adzin miesiac z žniŭnia składzie:
dla pracazdolnaha nasielnictva - 481 920 rubloŭ, piensijanieraŭ - 366 790 rubloŭ, dziaciej va ŭzroście da 3 hadoŭ - 348 970 rubloŭ, dziaciej ad 3 da 6 hadoŭ - 448 560 rubloŭ, ad 6 da 18 hadoŭ - 475 250 rubloŭ, dla dziaciej-studentaŭ - 425 980 rubloŭ.
Novy BPM pavysiŭsia na 28,9% da narmatyvu, jaki dziejničaje z 1 maja pa 31 lipienia 2011 hoda (343.260 rubloŭ).
