Ministerstva pryrodnych resursaŭ i achovy navakolnaha asiarodździa raspracavała dla hetaha inviestycyjnyja prajekty.
Ministerstva pryrodnych resursaŭ i achovy navakolnaha asiarodździa raspracavała dla hetaha inviestycyjnyja prajekty. Jak paviedamili ŭ ministerstvie, pierš za ŭsio stvorać admysłovy kłub «Biźnies i ekałohija», kab abjadnać ludziej i vyznačyć, jaki prajekt kamu prapanavać. «My praanalizavali situacyju ŭzajemadziejańnia ekałohii dy biźniesu ŭ Biełarusi. Na žal, pryrodaachoŭnaja dziejnaść pakul nie zrabiłasia elemientam biźnies-pracesu razam z pytańniami pavyšeńnia jakaści pradukcyi, pavieličeńnia zbytu i vybudoŭvańnia łahistyki. My majem namier źmianić hetuju tendencyju», – kaža presavy sakratar ministerstva Alena Pieniaź.
Ekołah Volha Astapovič stanoŭča aceńvaje zachady čynoŭnikaŭ:
«Bolšaść biełaruskich kampanijaŭ dahetul razhladaje hrošy, układzienyja ŭ ekałohiju, tolki jak vymušanyja vydatki, nie ŭličvajučy realnaha viartańnia ŭkładzienych srodkaŭ.Mienavita tamu siońnia my majem takija surjoznyja prablemy z vykidami i adsutnaściu jakasnych filtraŭ na bujnych pradpryjemstvach. Adsutničaje ekałahičnaj kultura, i šmatlikija biźniesoŭcy pakul nie razumiejuć, što dziakujučy ekałahičnaj pracy možna pavyšać košt na pradukcyju, pavialičvać rynki zbytu i palapšać imidž kampanii, asabliva vychodziačy na zamiežnyja rynki».
Inviestycyjnyja prajekty, padrychtavanyja ministerstvam, datyčać pierapracoŭki i sartavańnia pobytavych adkidaŭ, utylizacyi pramysłovaj pradukcyi paśla vykarystańnia, druhasnaha vykarystańnia pradukcyi dy pierapracoŭki pryrodnych resursaŭ.
Darečy, ideja ekałahičnaj adkaznaści biźniesu daŭno ekspłuatujecca ŭ Japonii, ZŠA i Zachodniaj Jeŭropie. Pavodle infarmacyi Jeŭrapiejskaha ahienctva achovy navakolnaha asiarodździa,
hadavy abarot ekałahičnaj pramysłovaści krainaŭ JEZ dachodzić da $800–900 miljardaŭ.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary