«Źmiena ŭłady, faktyčna, nie praduhledžana režymnym zakanadaŭstvam, a tam, dzie zastalisia farmalnaści (vybary prezidenta) praŭnaja sutnaść zamieniena biezzakońniem, falsifikacyjaj i ŭžyvańniem hrubaj siły. Źmianić uładu zakonnym šlacham niemahčyma, bo takoj mahčymaści ŭ ramkach dziejučaha režymnaha zakanadaŭstva i jaho prymianieńnia — nie isnuje», — piša Zianon Paźniak u svaim novym artykule «Rychtujemsia da revalucyi» na sajcie «Biełaruskaja salidarnaść».
Jon ličyć, što, zrabiŭšy źmienu ŭłady zvykłym šlacham niemahčymaj, sistema sama rychtuje sabie pahibiel: «Režym pakinuŭ hramadstvu, faktyčna, tolki adzin realny šlach pieramien — heta narodnaja revalucyja i revalucyjnaja likvidacyja ułady ŭzurpatara», — piša kiraŭnik Kansiervatyŭna-chryścijanskaj partyi BNF.
«Revalucyja stałasia ŭ našym niesvabodnym hramadstvie abjektyŭnaj nieabchodnaściu (i situacyja vyśpiavaje)», — robić vysnovu jon.
«Za svabodu zmahajucca i svabodu zdabyvajuć tyja, chto chočuć svabody, ale nie tyja, što chočuć jeści. Ideały — papieradzie. Tolki tady mahčymaja pieramoha. Našyja ideały — heta ideały 25 Sakavika i 25 Žniŭnia, i volny čałaviek, i volnaja Biełaruś», — piša Paźniak.
