Apielacyjny sud ZŠA pryznaŭ niekanstytucyjnym zakon ab abaviazkovym miedycynskim strachavańni. Abama padtrymlivaje hety zakoni nieadnarazova zajaŭlaŭ, što zakon nie ŭvachodzić u supiarečnaść ź dziejučaj kanstytucyjaj.
Zhodna z zakonaprajektam, hramadzianie pavinny ŭ abaviazkovym paradku nabyć miedycynskuju strachoŭku. U advarotnym vypadku im pahražaje štraf.
Rašeńnie pryniaŭ apielacyjny sud 11-j akruhi ZŠA, jaki raźmiaščajecca ŭ Atłancie. Zhodna z rašeńniem, Kanhres pieravyšaje svaje paŭnamoctvy, patrabujučy ad amierykancaŭ nabyć strachoŭku. Inšyja pałažeńni zakona zastajucca ŭ sile.
Jak čakajecca, zakonnaść abaviazkovaha miedycynskaha strachavańnia ciapier razhledzić Viarchoŭny sud ZŠA.
Zakon staŭ samym značnym i radykalnym novaŭviadzieńniem u halinie achovy zdaroŭja z 1965 hoda. Miedycynskaje strachavańnie raspaŭsiudžana na 32 młn čałaviek. Abama miarkuje, što ŭ 20-hadovaj pierśpiektyvie pryniaćcie zakona dazvolić vyjhrać kala $ 1 tryljona.
0
0
0
0
0
0
