Siońnia, 12 studzienia, u ramkach 5-ha etapu Kubku śvietu pa bijatlonie, u niamieckim Rupoldynhu prajšli sprynterskija honki siarod žančyn na 7,5 km. Pieršynstvavała francužanka Sandryn Baji z vynikam 24 chviliny 24 sekundy. Francužanka nivodnaha razu nie spudłavała na ahniavych rubiažach.
Najlepšy vynik u biełarusak pakazvała Darja Domračava — 13‑ie miesca. Jana adstała ab Baji na 1 chvilinu 15 sekundaŭ. Volha Kudrašova — 18‑ia (+1,25,7). H. zn. Domračava i Kudrašova prynieśli bały ŭ ahulnym zaliku Kubku śvietu.
Natalla Sakałova — 43‑ia (+2,18,3), Ludmiła Kalinčyk — 60‑ia (+2,58,8), Nadzieja Skardzina — 65‑ia (+3,18,5). Ludmiła Anańka nie startavała.
U subotu projduć sprynterskija honki ŭ mužčyn. A ŭčora biełaruskaja mužčynskaja kamanda zaniała ŭ estafecie małahanarovaje 14-je miesca.
Cikava, što poŭnaja nazva Kubku śvietu pa bijatlonie Ruhrgas World Cup. Mała taho, što na ŭschodnim hazavym froncie nie šancuje, dyk jašče i na zachodnim.
Na zdymku: pieramožca spryntu Sandryn Baji.
