Maskoŭskich vieteranaŭ aburyła rekłama zbornych madelaŭ tanka «Tyhr», jakija byli na ŭzbrajeńni Hiermanii padčas Druhoj suśvietnaj vajny. Vieteran Vialikaj Ajčynnaj vajny i staršynia Savieta maskoŭskich vieteranaŭ Mikałaj Šlapnikaŭ zajaviŭ, što ličyć takuju rekłamu «prapahandaj nacysckaj zbroi».
Rekłama zbornych madelaŭ tankaŭ źjaviłasia ŭ efiry niekalkich rasijskich telekanałaŭ. Pry hetym jurysty, da jakich žurnalisty źviarnulisia za kansultacyjami, skazali, što
prodaž takich madelaŭ nie parušaje zakanadaŭstva, kali na tankach niama fašysckaj simvoliki.
Madel tanka pradajecca ŭ šapikach u kamplekcie z časopisam.
Na madeli pakazany łahatyp kampanii Hachette Collections.
U 2010 hodzie ŭ Aŭstryi była zabaroniena rekłama padobnaj kalekcyjnaj madeli tanka «Tyhr» vytvorčaści hetaj kampanii.
Pieršyja tanki «Tyhr» byli vyrablenyja ŭ 1942 hodzie. Ich maštabnaje ŭžyvańnie pačałosia padčas bitvy na Kurskaj duzie. Usiaho za čas Druhoj suśvietnaj vajny hitleraŭskaj Hiermanijaj było vypuščana bolš 1300 takich tankaŭ.