Ad 2008 hoda jon sprabavaŭ atrymać prytułak va Ukrainie.
Palityčny ŭciakač Ihar Koktyš paprasiŭ prytułak u Polščy. Ad 2008 hoda jon sprabavaŭ atrymać prytułak va Ukrainie, adnak biezvynikova. Ihar atrymaŭ zaprašeńnie na vučobu pa prahramie Kalinoŭskaha ŭ Polšču, heta i abumoviła vybar krainy, tłumačyć jahonaja žonka Iryna Ciuciuńnik.
U Biełarusi Ihar Koktyš abvinavačvajecca ŭ zabojstvie. U 2001 hodzie jon pravioŭ da suda 9 miesiacaŭ u Baranavickim SIZA. Baranavicki rajonny sud pryznaŭ jaho nievinavatym, a Viarchoŭny sud pakinuŭ vierdykt bieź źmienaŭ. Adnak Hienprakuratura apratestavała hetaje rašeńnie i nakiravała spravu na novy razhlad. Koktyš na toj momant znachodziŭsia va Ukrainie. U červieni 2007 h. jaho zatrymali i źmiaścili ŭ Simfieropalski SIZA, dzie Ihar pravioŭ 2,5 hady. Jaho vyzvalili na patrabavańnie Strasburhskaha suda ŭ lutym 2010 h.
Pa vyzvaleńni Ihar Koktyš zajmaŭsia hramadska-palityčnaj dziejnaściu. U składzie žytomirskaj hrupy «Mižnarodnaj Amnistyi» jon razam z žonkaj Irynaj Ciuciuńnik i šeraham biełaruskich apazicyjanieraŭ ładziŭ pravaabarončyja mierapryjemstvy, a taksama štomiesiačnyja akcyi salidarnaści ź biełaruskimi palitviaźniami.
Uletku 2011 h. jon źjaŭlaŭsia adnym z kaardynataraŭ supołki «Revalucyja praz sacyjalnuju sietku».
Nahadajem, što na minułym tydni palityčny prytułak u Polščy atrymaŭ apazicyjanier z Klecka Siarhiej Panamaroŭ, jaki źjechaŭ tudy hod tamu.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»19
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2626
Kamientary