Sprava suprać kiraŭnika AHP Anatola Labiedźki zavieršanaja, adnak jamu pakul nie viarnuli pašpart. Raniej śledčyja kazali, što pašpart byŭ «prymacavany» da materyjałaŭ kryminalnaj spravy.
«U mianie na rukach zaraz navat sama pastanova pra zakryćcio spravy. Tam napisana „nie zdabyta dokazaŭ vinavataści i tamu kryminalnaja sprava zakryta“. Ja źviazvaŭsia sa śledčym KDB, niahledziačy na toje, što jość takoje rašeńnie, pašpart pakul ja nie atrymaŭ, jak i inšyja rAečy, kanfiskavanyja ŭ mianie padčas pieratrusu», — zajaviŭ Labiedźka UDF.by.
«Pravaja ruka robić adno, levaja inšaje — heta typovaja desinchranizacyja dziejańniaŭ pradstaŭnikoŭ ułady. Kali Łukašenka robić hučnyja zajavy pra kruhłyja stały i pierśpiektyvy niejkich pieramovaŭ, dla mianie asabista heta hučyć jak nabor papulisckich zajavaŭ pierad dniom, kali vyrašajecca zajaŭka ŭ MVF na atrymańnie kredytu. Ale sama biełaruskaja ŭłada pry hetym nie źmianiajecca ni na jotu: dokaz hetamu — biaspraŭnaja situacyja z maimi dakumientami», — adznačyŭ palityk.
25 žniŭnia suprać Anatola Labiedźki spynili kryminalnuju spravu pa padziejach 19 śniežnia 2011 hodp. U liście ź milicyi było napisana «ŭ suviazi z adsutnaściu ŭ dziejańniach składu złačynstva».
