Va ŭkrainskich juvielirnych kramach prapanujuć ekśluziŭ — srebrany biust Łukašenki za 1052 dalary.
«Biust prezidenta Respubliki Biełaruś Łukašenka A.H. z srebra z pazałotaj! Kali Vy patryjot Respubliki Biełaruś, Vas cikavić palityka i Vy prychilnik prezidenta — heta statuetka dla Vas! Vydatny padarunak siabru palityku», — pišuć na sajcie kramy.
Partretnaje padabienstva biusta vyklikaje sumnieŭ, bo statuetka nahadvaje Jakuba Kołasa nie ŭ mienšaj stupieni, čym Łukašenku.
Biust z srebra 925 proby kaštuje 1052 dalary, ci, kali kupcam budzie praściej, 8384,44 hryŭny. Važyć srebrany Łukašenka 290 hramaŭ, vypłaŭlajecca ciaham 2–4 tydniaŭ, dastaŭka zajmaje 2–3 dni.
Vytvorčaściu biustaŭ zajmajecca juvielirnaja majsternia «Kavalik» u Kiravahradzie. Cikava, što adna z kijeŭskich juvielirnych kramaŭ, što mieła Łukašenku ŭ svaim asartymiencie, źniała hetuju pazicyju sa svajho sajta adrazu paśla našaj publikacyi.
