Pra heta jon zajaviŭ siońnia, adkazvajučy na pytańni žurnalistaŭ.
«Jany [apazicyja] siadzieli pad vienikam i tut raptam pačuli, što Łukašenka niešta skazaŭ.
Jany heta ŭspryniali jak pieramovy z apazicyjaj. Ja pra pieramovy nie havaryŭ i havaryć nie źbirajusia. Ja ni z kim ź ich nie źbirajusia pieramaŭlacca»,— padkreśliŭ jon.
Pa słovach Łukašenki, jon prapanavaŭ roznym hramadskim siłam i rucham sieści za kruhły stoł, abmierkavać isnujučyja prablemy i ŭnieści razumnyja prapanovy.
«Uvieś palityčny śpiektr pavinien być pradstaŭleny, i sajuz žančyn, i prafsajuzy, i našy, i nie našy, i jany,ad ułady niechta budzie», — adznačyŭ Łukašenka, tłumačačy mahčymy farmat kruhłaha stała.
«Kali za hetym kruhłym stałom budzie vypracavana niešta dobraje, stanoŭčaje, my z zadavalnieńniem heta prymiem. U nas ułada nie zakaścianiełaja», — reziumavaŭ jon.
Nahadajem, što 29 žniŭnia, vystupajučy na naradzie piedahahičnaha aktyvu ŭ Minsku, Łukašenka prapanavaŭ "usim razvažnym ludziam, jakija lubiać svaju krainu, da jakoha b palityčnaha łahiera jany ni naležali, sieści za kruhły stoł, pahladzieć adzin adnamu ŭ vočy i realna acanić, chto čaho varty i što moža zrabić dla efiektyŭnaha palapšeńnia situacyi ŭ krainie". "Chočacie vajavać i zmahacca — kali łaska: zmahajciesia ŭ adkrytaj dyskusii, dakazvajcie svaju praŭdu, adstojvajcie svoj punkt hledžańnia", — dadaŭ Łukašenka.
Pradstaŭniki apazicyi ŭspryniali heta jak zaprašeńnie da dyjałohu. Paśla praviadzieńnia pieramoŭ na hetu temu jany zajavili: pačatak dyjałohu z uładaj mahčymy tolki paśla vyzvaleńnia i poŭnaj reabilitacyi ŭsich palitźniavolenych. Takoj ža pazicyi prytrymlivajucca pradstaŭniki ES.
Taksama Łukašenku paprasili prakamientavać infarmacyju, jakaja źjaviłasia ŭ ŚMI infarmacyju pra nibyta adbytuju sustreču ź ministram zamiežnych spraŭ Bałharyi Mikałajem Mładzienavym. «Što datyčycca kantaktaŭ z pradstaŭnikami zamiežnych dziaržaŭ, tak nie tolki ź ministram zamiežnych spraŭ Bałharyi. Była masa sustreč za hety čas ź biźniesmienami, bankirami, palitykami, deputatami, kanhresmienami z ZŠA i inšych dziaržaŭ», — skazaŭ jon.
Pavodle jaho słoŭ, jon jak kiraŭnik dziaržavy ažyćciaŭlaje hetyja kantakty, kab bačyć i adčuvać, što ludzi za miažoj dumajuć pra Biełaruś. «My nikoli b nie admovilisia ad dapamohi ŭ hety čas, ni ad zachodniaj, ni ad rasijskaj, ni ad kitajskaj. Takija prapanovy jość. My ich atrymajem, choča hetaha apazicyja ci nie», — chvaliŭsia jon.
Alaksandr Łukašenka taksama adznačyŭ, što ŭ śviecie isnuje vialikaja cikavaść da Biełarusi, tym bolš što jana zaraz znachodzicca ŭ adzinaj mytnaj prastory z takimi bujnymi dziaržavami, jak Rasija i Kazachstan.
«Rabili my nasustrač Zachadu kroki i robim.
Ja nie chaču, kab u nas byli drennyja adnosiny z Zachadam»,— skazaŭ Łukašenka, dadaŭšy, što
Zajavy pra toje, što Biełaruś sprabuje vyhandlavać padtrymku Zachadu ŭ abmien na vyzvaleńnie asudžanych za masavyja biesparadki 19 śniežnia 2010, źjaŭlajecca poŭnaj łuchtoj,dakazvaŭ jon.
Łukašenka taksama zajaviŭ, što nie rychtuje synoŭ spadčyńnikami na svajo miesca.
«Zapomnicie: ja nikoli nikoha nie bajaŭsia i nie bajusia. Ja nie ŭčora pryjšoŭ da ŭłady. Tamu, kali narod zaŭtra vyrašyć, što budzie niechta inšy tut — chaj sabie. Heta ž nie «baćkaŭščyna». Ja svaich synoŭ nie rychtuju spadčyńnikami na svajo miesca, jak jany tam zajaŭlajuć praz adnaho», — padkreśliŭ jon.
Pry hetym Łukašenka zajaviŭ, što nie baicca niejkich narodnych paŭstańniaŭ, antykanstytucyjnych pieravarotaŭ.
Taksama Łukašenka siońnia zajaviŭ, što ŭ najbližejšyja piać hadoŭ da ŭsich abłasnych centraŭ ź Minska buduć pabudavanyja aŭtabany niamieckaha ŭzoru.
Pakazvajučy na novuju dobraŭparadkavanuju čyhunačnuju stancyju «Ždanovičy», kudy niadaŭna praciahnuli liniju haradskoj elektryčki, Łukašenka skazaŭ:
«Tak budzie dobraŭparadkavana ŭsia kraina, jak by kamuści hetaha nie chaciełasia».
Heta było va ŭłaścivaj dla jaho maniery, kab stvaryć uražańnie, što suprać Biełarusi dziejničajuć podłyja vorahi.
«Darožnamu budaŭnictvu my nadavali i budziem nadavać vialikuju ŭvahu», — padkreśliŭ jon.
Pa jaho słovach, u Biełarusi aktyŭna budzie raźvivacca i avijacyjny transpart. Tak, u bližejšy čas u Nacyjanalnym aeraporcie Minsk pavinna pačacca budaŭnictva druhoj
