Staŭka refinansavańnia Nacyjanalnaha banku da kanca 2010 hodu moža źnizicca ź siońniašnich 10% hadavych (ustalavanaja z 1 śniežnia 2006 hodu) da 4‑6%. Taki prahnoz źmiaščajecca ŭ prahramie raźvićcia bankaŭskaha sektaru ekanomiki krainy na 2006—2010 hady.
Staŭka refinansavańnia źjaŭlajecca aryjenciram dla ŭstalavańnia pracentnych stavak pa kredytach i depazytach u bankach.
Analahičnymi tempami maje źnižacca j inflacyja, jakaja ŭ 2010 hodzie prahnazujecca na ŭzroŭni 4‑6%. Planujecca, što pracentnaja staŭka nabudzie status asnoŭnaha instrumentu hrašova‑kredytnaj palityki.
Źmiena aficyjnaha kursu biełaruskaha rubla da rasiejskaha ŭ 2007‑2010 hadach nia musić vychodzić za ramki ∓4% ŭ hod, da dalara ZŠA — nia bolš jak ∓2,5% ŭ hod.
Pa vynikach 2006h. inflacyja ŭ Biełaruś skłała 6,6%. Pry hetym aficyjny kurs biełaruskaha rubla da rasiejskaha źniziŭsia na 8,4% za hod, da dalara — umacavaŭsia na 0,6%.
