Pravyja i nacyjanalisty ŭpeŭniena pieramahli ŭ Łatvii 14

Na daterminovych parłamienckich vybarach u Łatvii ŭpeŭniena pieramahli pravacentrysckija partyi byłoha prezidenta Zatlersa i dziejnaha premjera Dambroŭskisa.

Partyja Reform pieršaha i «Adzinstva» druhoha nabirajuć prykładna da 20% hałasoŭ.

Miarkujecca, što Dambroŭskis zastaniecca premjeram. Uradavuju kaalicyju razam ź imi składzie, imavierna, nacyjanalistyčnaja partyja «Usio — Łatvii / Radzimie i svabodzie». Jana nabiraje prykładna ŭdvaja bolš hałasoŭ, čym na papiarednich vybarach, kala 13%. Mahčyma, da kaalicyi dałučycca i treci kaalicyjny partnior ź dziejnaha ŭrada, Partyja zialonych i sialan (PZS), jakaja taksama traplaje ŭ parłamient z 13%. Heta adzinaja z tak zvanych aliharchičnych partyj, što prachodzić u Sojm.

Partyja sacyjał-demakratyčnaha tołku Centr zhody, za jakuju hałasujuć zbolšaha rasiejskamoŭnyja, nabiraje kala 32% hałasoŭ.

Adnak dla farmavańnia ŭrada joj niama kaalicyjnych partnioraŭ. Astatnija partyi aliharchaŭ pralacieli mima Sojma, jak i radykalna prarasijskaja «Za pravy čałavieka ŭ adzinaj Łatvii».

Były prezident Vałdzis Zatlers dasiahnuŭ svajho, raspuściŭšy raniejšy skład Sojma.

Jon abvinavačvaŭ deputataŭ, blizkich da aliharchičnych hrupovak, u karumpavanaści. Novy skład parłamienta budzie adnym z samych pravych za apošnija 15 hadoŭ.

Što cikava,

pierad vybarami partyja Centr zhody, jakuju ŭznačalvaje mer Ryhi Nił Ušakoŭ, imknułasia zavajavać łatyšskamoŭny elektarat. Jana ŭpieršyniu pryznała fakt savieckaj akupacyi Łatvii.

Heta robić mahčymym jaje ŭvachodžańnie ŭ kaalicyju z adnoj z pravacentrysckich partyj.

Partyja reform Zatlersa hałoŭnaj zadačaj bačać kanstytucyjnuju reformu dziela pavyšeńnia efiektyŭnaści ŭłady. U pryvatnaści, Zatlers vystupaje za ŭmacavańnie prezidenckaj ułady.

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH