Urad raźličvaje finansavać ekanomiku za košt depazitaŭ 3

paviedamiŭ namieśnik prem'jer-ministra Siarhiej Rumas 21 vieraśnia na pres-kanfierencyi, adkazvajučy na pytańnie BiełaPAN, za košt jakich krynicaŭ zaraz finansujecca ekanomika.

Rumas nahadaŭ, što ŭ pačatku 2011 hoda kredytavańnie realnaha siektara ekanomiki rabiłasia za košt emisijnych krynicaŭ. «Spačatku dziaržprahramy finansavalisia za košt depazitaŭ Nacyjanalnaha banka ŭ kamiercyjnych bankach. Zaraz urad raźmiaščaje reštu biudžetnych srodkaŭ u kamiercyjnych bankach dla zaviaršeńnia kredytavańnia dziaržprahram», — skazaŭ vice-premjer.

Jon zaznačyŭ, što z Antykryzisnym fondam JeŭrAzES uzhodnieny miežavy pamier finansavańnia dziaržprahram za košt emisijnych krynicaŭ u pamiery 4% VUP. Pavodle słoŭ Rumasa, emisijnaje kredytavańnie dziaržprahram u takim abjomie dazvolić zaviaršyć realizacyju raspačatych prajektaŭ.

Kažučy pra finansavańnie realnaha siektara ekanomiki ŭ budučym, vice-premjer vykazaŭ nadzieju, što kredytavańnie budzie ažyćciaŭlacca za košt układaŭ. «Kali adnovicca davier nasielnictva da nacyjanalnaj valuty i ŭkłady buduć raści, to kredytavańnie ekanomiki možna budzie ažyćciaŭlać za košt hetych srodkaŭ», — zajaviŭ Rumas.

Namieśnik staršyni praŭleńnia Nacbanka Taras Nadolny vykazaŭ nadzieju, što nasielnictva, dachody jakoha płanujecca pavysić u kastryčniku, paniasie hrošy ŭ banki. «Prapanova ab pavyšeńni taryfnaj staŭki pieršaha razradu ŭ kastryčniku adpaviadaje duchu našych sumiesnych dziejańniaŭ z uradam i asablivych apasieńniaŭ nie vyklikaje», — skazaŭ Nadolny.

Jon upeŭnieny, što dadatkovy dachod nasielnictva dazvolić pavialičyć resursnuju bazu bankaŭ.

0

0

0

0

0

0

Dźmitryj Zajac, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH