Nacyjanalny bank na padstavie artykuła 99 Bankaŭskaha kodeksa Biełarusi prypyniŭ z 19 studzienia da 1 lipienia 2007 hoda ŭ AAT «Mižnarodny reziervovy bank» dziejańnie ahulnaj i hienieralnaj licenzij, a taksama licenzii na pryciahnieńnie va ŭkłady srodkaŭ fizičnych asob.
Adpaviednaja pastanova pryniata 18 studzienia Savietam dyrektaraŭ Nacyjanalnaha banka. Jak paviedamili BIEŁTA va ŭpraŭleńni infarmacyi Nacbanka, prypynieńnie dziejańnia licenzij u AAT «Mižnarodny reziervovy bank» vyklikana nievykanańniem im narmatyvu biaśpiečnaha funkcyjanavańnia, a mienavita daviadzieńnia da minimalnaha pamieru ŭłasnaha kapitału banka.
Za bankam zachavana prava na ažyćciaŭleńnie tolki bankaŭskich apieracyj z rezidentami svabodnych ekanamičnych zon i nierezidentami Biełarusi pa viadzieńniu bankaŭskich rachunkaŭ jurydyčnych asob i praviadzieńnie raźlikovaha absłuhoŭvańnia fizičnych i jurydyčnych asob, u tym liku bankaŭ‑karespandentaŭ. Z rezidentami SEZ, nierezidentami Biełarusi, Nacyjanalnym bankam i bankami, zarehistravanymi na terytoryi našaj krainy, jon moža pravodzić valutna‑abmiennyja apieracyi (uklučajučy apieracyi na valutnych biržach), a z rezidentami i nierezidentami Respubliki Biełaruś ‑ valutna‑abmiennyja apieracyi z udziełam fizičnych asob u abmiennych punktach.
U ramkach licenzii na pryciahnieńnie va ŭkłady srodkaŭ fizičnych asob u biełaruskich rublach i zamiežnaj valucie ź nierezidentami Biełarusi za AAT «Mižnarodny reziervovy bank» zastałosia prava pa viadzieńniu bankaŭskich rachunkaŭ i ažyćciaŭleńnie raźlikovaha i (abo) kasavaha absłuhoŭvańnia nasielnictva. Z momantu prypynieńnia dziejańnia licenzij Mižnarodnamu reziervovamu banku zabaraniajecca zaklučać novyja dahavory i pierazaklučać na novy termin raniej zaklučanyja dahavory, vykanańnie abaviazacielstvaŭ pa jakich źviazana z ažyćciaŭleńniem bankaŭskaj apieracyi, u častcy ažyćciaŭleńnia jakoj dziejańnie licenzij prypyniena.
