Rašeńnie Minskaha harvykankama i jaho staršyni Mikałaja Ładućki ab biaspłatnym prajeździe ŭ hramadskim transparcie dla studentaŭ kiraŭniki rehijonaŭ pryznali nie vielmi karektnym, piša «Viečiernij Hrodno».
U Hrodnie, pa słovach Siamiona Šapiry, takuju lhotu viartać nie buduć. «Niama ŭ krainie hrošaj, my ich užo nie drukujem. Nieabchodna vybudavać pryjarytety. U nas adzin biudžet, i, kali ŭ im jość srodki, my možam addać ich na prajezd studentaŭ, a možam — na budaŭnictva balnicy, dziciačaha doma, dzieciam, uračam, nastaŭnikam. Jość kudy addavać. U dadzienym vypadku ŭ ramkach krainy nieabchodna prymać rašeńni. Davajcie siadziem razam i prymiem uzvažanaje rašeńnie, dzie jany bolš patrebnyja. Raniej było lhot šmat, zaraz naviali paradak, ja nie baču sensu siońnia studentam viartać ilhoty».
