Niaklajeŭ viarnuŭsia, jaho vyklikajuć u kryminalna-vykanaŭčuju inśpiekcyju 4

Lidara hramadzianskaj kampanii «Havary praŭdu!», kandydata ŭ prezidenty Biełarusi na vybarach 2010 hoda Uładzimira Niaklajeva vyklikajuć u kryminalna-vykanaŭčuju inśpiekcyju Leninskaha RUUS Minska: jon pavinien źjavicca tudy 3 kastryčnika, paviedamiŭ palityk.

Vierahodna,

Niaklajevu pryjdziecca davać tłumačeńni ŭ suviazi sa svajoj pajezdkaj 29–30 vieraśnia ŭ Varšavu na samit Uschodniaha partniorstva.

Sprava ŭ tym, što rašeńniem suda palityku zabaroniena vyjazdžać za miažu.

Niaklajeŭ paviedamiŭ, što za čas jaho adsutnaści da jaho dadomu štodnia prychodzili supracoŭniki milicyi, jakija brali tłumačalnyja ŭ jaho žonki i susiedziaŭ.

Palityk nie vyklučaje,

što da jaho mohuć być prymienieny novyja abmiežavalnyja miery, adnak padkreślivaje, što heta pytańnie budzie vyrašacca nie na ŭzroŭni kryminalna-vykanaŭčaj inśpiekcyi, a značna vyšej.

Nahadajem, 20 maja sud Frunzienskaha rajona Minska pryznaŭ Uładzimira Niaklajeva vinavatym pavodle č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i pryhavaryŭ da dvuch hadoŭ pazbaŭleńnia voli z adterminoŭkaj pryhavoru na dva hady. Niaklajeŭ pavinien rehularna adznačacca ŭ milicyi, viartacca dadomu nie paźniej za 22.00, infarmavać milicyju pra svaje pajezdki.

9 vieraśnia sud Leninskaha rajona Minska nakłaŭ na asudžanaha palityka dadatkovyja abmiežavańni pry adbyćci pakarańnia. Niaklajevu, u pryvatnaści, zabaroniena vystupać arhanizataram abo ŭdzielnikam masavych šeściaŭ, demanstracyj, pikietaŭ i inšych masavych mierapryjemstvaŭ; jon nie moža vyjazdžać za miežy Minska bieź piśmovaha dazvołu pravaachoŭnych orhanaŭ i pakidać miežy Biełarusi da zakančeńnia terminu pakarańnia. Palityku taksama pradpisana rehistravacca ŭ pravaachoŭnych orhanach pa miescy žycharstva raz u tydzień i znachodzicca doma štodnia z 20.00 da 6.00.

Niaklajeŭ nie ličyć siabie abaviazanym vykonvać hetyja patrabavańni, bo pierakanany ŭ niezakonnaści vyniesienaha jamu pryhavoru. «Moj doŭh jak hramadzianina i palityka — damahacca taho, kab hołas Biełarusi, hołas biełaruskaha naroda byŭ pačuty na samicie Uschodniaha partniorstva. Z hetaj trybuny my, biełarusy, źviartajemsia da našych bratoŭ-jeŭrapiejcaŭ. Kali dziejnaja ŭłada nie zachacieła skarystacca dadzienym nam Jeŭropaj šansam, to nie treba ličyć, što ŭłada — heta i jość uvieś narod Biełarusi», — zajaviŭ Niaklajeŭ pres-słužbie kampanii «Havary praŭdu!» z nahody svajho ŭdziełu ŭ samicie.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH