U časie subotniaha rabaŭničaha napadu nieviadomych, adzin ź jaki byŭ u milicejskaj formie, demakratyčny aktyvist Valery Uchnaloŭ straciŭ vialikuju sumu hrošaj.
Hetyja hrošy Uchnaloŭvioz na leki dla žonki, chvoraj na ankałohiju.
Pavodle Valeryja Uchnalova, pa fakcie incydentu, jaki adbyŭsia ŭ subotu nočču na trasie Vilnia — Minsk, milicyja abiacała zavieści spravu pa artykule «Razboj».
«Heta zrabili maralnyja ŭrody, rabaŭniki viedali, što Uchnaloŭ vioz hrošy, jakija jon pazyčyŭ na leki žoncy. Jany jaho pastavili ŭ biezvychodnaje stanovišča», — prakamientavaŭ situacyju paplečnik Uchnalova Siarhiej Kalakin.
«Ja heta adnaznačna źviazvaju z majoj palityčnaj dziejnaściu. Heta zroblena dla zapałochvańnia»,- zajaviŭ sam spadar Uchnaloŭ.
Pavodle inšaha paciarpiełaha, kiraŭnika AHP Anatola Labiedźki, dziejničajuć «eskadrony strachu», kab zapałochać apazicyjnych aktyvistaŭ napiaredadni vosieńskich pratestaŭ.
1 kastryčnika, prykładna, a 10:30 troje nieviadomych u cyvilnym napali na lidara AHP Anatola Labiedźku ŭ dvary jaho domu. Potym milicyja, što pryjechała na vyklik, adviezła jaho ŭ Centralny RUUS, a potym vypuściła, paabiacaŭšy, što paźniej vykličuć pozvaj.