Inicyjatyŭnaj hrupie «Ćviarozaść — heta lohka!» milicyja nie dała mahčymaści pravieści 2 kastryčnika štotydniovuju prabiežku ŭ staličnym parku imia Horkaha.
Jak paviedamili inicyjatary akcyi, hrupa pravodzić kožnuju niadzielu prabiežki za zdarovy ład žyćcia. Usie achvotnyja mohuć pryjści na prabiežku ŭ 9.00 da centralnaha ŭvachodu ŭ park imia Horkaha.
Adnak kala 9 hadziny ŭ minułuju niadzielu, kali ŭdzielniki sabralisia rabić ranišniuju zaradku, uźnik kanflikt ź milicyjaj. Da ŭdzielnikaŭ prabiežki padyšli supracoŭniki pravaachoŭnych orhanaŭ. Adzin ź ich byŭ u formie, druhi — u cyvilnym adzieńni. Paźniej da ich dałučylisia jašče dva supracoŭniki ŭ formie.
Jany zajavili, što biehać nielha, inakš usie ŭdzielniki buduć zatrymanyja za ŭdzieł u niesankcyjanavanym mierapryjemstvie.
Adzin z udzielnikaŭ paprasiŭ rastłumačyć, što takoje sankcyjanavanaje, a što takoje niesankcyjanavanaje mierapryjemstva, ale supracoŭniki milicyi na heta ničoha nie adkazali. Pry hetym jany papiaredzili, što kali ŭdzielniki hrupy «pačnuć niejkija dziejańni», to buduć zatrymanyja. Udzielniki prabiežki, niahledziačy na papiaredžańnie, praviali prabiežku pa inšym maršrucie.
Nastupnym razam inicyjatary akcyi za zdarovy ład žyćcia źbirajucca pravieści prabiežku ŭ inšym miescy stalicy.
Kamientary