63-hadovy major-pamiežnik u adstaŭcy atrymaŭ 5 sutak aryštu za raspaŭsiudžvańnie ŭlotak z zaprašeńniem pryjści na Narodny schod.
4 kastryčnika sudździa suda Maskoŭskaha rajona Bresta Taćciana Urbanovič vyniesła rašeńnie pa fakcie zatrymańnia milicyjaj na vuł. Leninhradskaj namieśnika staršyni Bresckaj haradskoj arhanizacyi Biełaruskaj partyi levych «Spraviadlivy śviet»,
Aktyvist byŭ zatrymany 3 kastryčnika, prykładna ŭ 16.30 i adviedzieny ŭ Maskoŭski rajadździeł unutranych spravaŭ, dzie na jaho skłali administracyjny pratakoł — za raspaŭsiudžvańnie zaprašeńniaŭ hramadzian na Narodny schod, jaki pavinien adbycca 8 kastryčnika, a
U joj, u pryvatnaści, havorycca:«Narodnyja schody patrebnyja tamu, što ŭłady daviali Biełaruś da
Chto vinavaty ŭ razvale ekanomiki i źbiadnieńni naroda? Chto abiacaŭ stabilnaść i 500 dalaraŭ zarobku? Chto kradzie narodnyja hrošy?..
My patrabujem spynić rost cenaŭ; indeksavać zarabotnuju płatu, piensii, stypiendyi ŭ adpaviednaści z rostam cen; rublovyja ŭkłady nasielnictva ŭ adpaviednaści z kursam rubla na 1 studzienia 2011 hoda; admianić sistemu prymusovych karotkaterminovych kantraktaŭ»…
Viadoma, takija patrabavańni pryjšlisia nie da dušy vartavym paradku,čyj pryncyp zastajecca raniejšym: «Trymać i nie puščać!» Tamu vieterana partyi i pahraničnych vojskaŭ zatrymali za toje, što jon, maŭlaŭ, ahituje za zakliki da praviadzieńnia niesankcyjanavanaha mierapryjemstva.
Jaho pryvieźli ŭ Maskoŭski RAUS, dzie dazvolili zrabić adzin telefonny zvanok staršyni haradskoj partyjnaj arhanizacyi Ludmile Dzienisienka, jakaja raskazała pra jaho źmiest: «Na mianie składajuć pratakoł, ale skazali, što ciapier adpuściać i vykličuć ŭ sud na nastupny dzień». Praź niekatory čas ź milicyi patelefanavali dadomu: «Vaš muž adpraŭleny na adsidku ŭ izalatar časovaha ŭtrymańnia».
Ranicaj 4 kastryčnika partyjny lidar pryjšła ŭ sud, kab daviedacca, kali buduć razhladać spravu Čapurnych. Adnak sudździa Taciana Urbanovič adkazała, što nie maje infarmacyi. Kali jana z kalehami siońnia pryjechała ŭ sud u 14.15, to vyśvietliłasia, što praces užo skončany, i Lavonciju Čapurnych dali 5 sutak administracyjnaha aryštu z utrymańniem u IČU Leninskaha RAUS.
— Jaho asudzili pa artykule 23.34 KaAP RB — za parušeńnie paradku praviadzieńnia masavaha mierapryjemstva abo pikietavańnia. «Absalutna z hetym nie zhodnaja, — robić reziume Ludmiła Mikałajeŭna. — Pavodle Zakona RB «Ab miascovym kiravańni i samakiravańni», miascovyja schody nie padpadajuć pad Zakon «Ab masavych mierapryjemstvach». Hetyja schody prachodziać biez dazvołu ŭładaŭ, dastatkova tolki sabrać podpisy 10% miascovych žycharoŭ, jakija pražyvajuć u najbližejšych da parka
— Ci budzie zatrymany abskardžvać hetaje sudovaje rašeńnie?
— Budziem prasić pravaabaroncaŭ dapamahčy nam. Ale skažu svajo mierkavańnie.
U bresckich rajonnych i abłasnym sudach nivodnaje našaje abskardžańnie nie było zadavolenaje.Zakon u nas prosta nie pracuje. Dva hady tamu, kali PKB nie dazvolili pikiety, my dajšli navat da Viarchoŭnaha suda, ale i tam nam admovili, paviedamlaje «Brescki kurjer».
