Što prymusiła Dźmitryja Kanavałava ździejśnić terakt?
Jaki matyŭ byŭ u 25-hadovaha praletaryja, chimika-amatara biez ambicyj i viesiełuna, jaki niekalki razoŭ sprabavaŭ ździejśnić suicyd?
Aŭtarka źviartaje ŭvahu, što Kanavałaŭ jak zavučanuju frazu na papiarednim śledstvie paŭtaraŭ «dla destabilizacyi abstanoŭki ŭ Respublicy Biełaruś» u jakaści matyvu. Heta mocna piarečyła stylu jahonych adkazaŭ na inšyja pytańni — typovaha dla pacana bieź vialikaj adukacyi.
Kali heta nie palityka, moža ideja zvyščałavieka?
Aŭtarka adznačaje, što Kanavałaŭ zahavaryŭ by na sudzie, kali jaho metaj było źviarnuć na siabie ŭvahu. «U jaho pakazańniach niama honaru za ździejśnienaje, praŭda, niama i žachu i raskajvańnia. Jon nie sprabuje niešta dakazvać albo kahości pakarać… Kanavałaŭ ža abyjakavy da ŭsiaho, u tym liku da taho, što ździejśniŭ. I absalutna nie ambitny».
Chto taja zahadkavaja žančyna, jakuju pry zasialeńni na kvateru na vuł. Karala, sustreli Kanavałaŭ i Kavaloŭ?
Pa ich pakazańniach, žančyna mahła być haspadyniaj kvatery albo prybiralščycaj. Ale ryełtary ahienctva «Armira», jakoje zdavała kvateru, zajavili, što nikoha tam nie mahło być.
Čamu abodva abvinavačanyja ŭvieś čas mianiajuć pakazańni?
Kali Kanavałaŭ nie zahavoryć na pracesie, jakija jaho pakazańni pavinien prymać pad uvahu sud?
Jak vyličyli adras zdymnaj kvatery ŭ Minsku?
Zychodziačy sa śviedčańniaŭ abvinavačanych, ź viečara 11 krasavika i da načy z 12 na 13 nichto z kvatery nie vychodziŭ. A kiraŭniki śpiecsłužb praź niekalki dzion paśla terakta abjavili pra toje, što vysačyli maładych ludziej paśla taho, jak adzin ź ich vyjšaŭ u kramu pa harełku.
Čamu Kanavałaŭ padčas śledčaha ekśpierymienta sabraŭ vybuchoŭku nie anałahičnuju toj, što spracavała ŭ mietro?
Da takoha vyvadu pryjšli ekśpierty FSB, chacia jany i paćvierdzili, što znojdzienyja ŭ mietro kavałki armatury i stryžniaŭ taho ž pachodžańnia, što i znojdzienyja ŭ padvale Kanavałava.
«Vierahodna, usie niestykoŭki buduć vykarystany jak abvinavačvańniem, tak i abaronaj. Chacia šmatlikija «niajasnaści» pavinny źniknuć paśla dopytu novych śviedkaŭ, paśla ahałošvańnia vynikaŭ psichołaha-psichijatryčnaj ekśpiertyzy abvinavačanych. Naŭrad ci ŭ sudzie buduć davać pakazańni baćki i rodnyja — jany majuć prava ad hetaha admovicca. U lubym vypadku, chaciełasia b spadziavacca, što dla suda ŭ pracesie nie budzie «biełych plam», — padsumavała aŭtarka.
