Inicyjatyva praviadzieńnia Narodnych schodaŭ budzie pradoŭžana, zajaviŭ sustaršynia arhkamiteta pa praviadzieńni akcyi Hienadź Fiadynič 10 kastryčnika na
Pavodle jaho słoŭ, schody prajšli ŭ 10 haradach. «Praktyčna ŭsiudy išoŭ doždž, što źmienšyła kolkaść udzielnikaŭ akcyi. Ale pra pravał schodaŭ havaryć nielha. Nikoli raniej u stolkich haradach u adzin čas nie prachodzili takija akcyi», — adznačyŭ Fiadynič. Pry hetym jon padkreśliŭ, što udzielniki — «heta nie palityčnyja partyi, a hramadzianskaja inicyjatyva».
Pavodle słoŭ Fiedyniča, «previentyŭnyja miery ŭładami byli šyroka razhornuty».
«Stvaryłasia ŭražańnie, što ŭłada vielmi bajałasia schodaŭ»,— zajaviŭ jon.
«Praviadzieńnie Narodnych schodaŭ pradoŭžycca, hramadstva pavinna mieć placoŭku dla dyjałohu. Pieraškadžajučy praviadzieńniu akcyi, ułady parušyli zakon ab miascovych schodach», — skazaŭ Fiadynič. Pry hetym jon padkreśliŭ, što ludziej, jakija padtrymlivajuć akcyju, značna bolš, čym pryjšło na mierapryjemstva 8 kastryčnika.
Fiadynič paviedamiŭ, što najbližejšym časam arhkamitet abmiarkuje stratehiju dalejšych dziejańniaŭ.
Akramia taho, paviedamiŭ jon, 12 kastryčnika va ŭrad i Administracyju prezidenta buduć pieradadzieny ahulnyja patrabavańni ŭdzielnikaŭ Narodnaha schodu z roznych haradoŭ.