Apublikavany śpis 16 čynoŭnikaŭ, jakim zabaronieny ujezd u Jeŭropu: sudździ, prakurory i ministr Pałujan

Śpis 16 biełaruskich čynoŭnikaŭ, jakim zabaronieny ŭjezd u krainy ES i čyje aktyvy na terytoryi Jeŭrasajuza pavinny być zamarožanyja, byŭ dapoŭnieny 10 kastryčnika.

1. Valeryj Kamisaraŭ, sudździa Minskaha haradskoha suda, jaki adchiliŭ kasacyjnyja skarhi šerahu ŭdzielnikaŭ pracesaŭ pa spravie 19 śniežnia (Atroščankava, Łobava, Małčanava, Daškieviča i Łobana).

2. Uładzimir Ściapurka, sudździa Minskaha haradskoha suda, jaki adchiliŭ kasacyjnyja skarhi šerahu ŭdzielnikaŭ pracesaŭ pa spravie 19 śniežnia (Chalip. Marcaleva, Sieviarynca, Bandarenki dy inš.);

3. Siarhiej Chrypač, sudździa Minskaha haradskoha suda, jaki adchiliŭ kasacyjnyja skarhi šerahu ŭdzielnikaŭ pracesaŭ pa spravie 19 śniežnia (Sańnikava, Statkieviča, Usa, Niaklajeva, Hniedčyka, Mirzajanava dy inš.)

4. Vasil Nazaranka, sudździa Minskaha haradskoha suda, jaki adchiliŭ kasacyjnyja skarhi šerahu ŭdzielnikaŭ pracesaŭ pa spravie 19 śniežnia (Parfiankova dy inš.);

5. Volha Kamaroŭskaja, sudździa Minskaha haradskoha suda, jakaja ŭ składzie sudovaj kalehii adchiliła kasacyjnyja skarhi šerahu ŭdzielnikaŭ pracesaŭ pa spravie 19 śniežnia;

6. Viktoryja Zajcava, sudździa Minskaha haradskoha suda, jakaja ŭ składzie sudovaj kalehii adchiliła kasacyjnyja skarhi šerahu ŭdzielnikaŭ pracesaŭ pa spravie 19 śniežnia;

7. Unukievič Tamara, sudździa Minskaha haradskoha suda, jakaja ŭ składzie sudovaj kalehii adchiliła kasacyjnyja skarhi šerahu ŭdzielnikaŭ pracesaŭ pa spravie 19 śniežnia;

8. Ihar Krot, sudździa Minskaha haradskoha suda, jaki adchiliŭ kasacyju na prysud ŭdzielniku pracesaŭ pa spravie 19 śniežnia Parfiankovu;

9. Uładzimir Chrobastaŭ, sudździa Minskaha haradskoha suda, jaki ŭ składzie sudovaj kalehii adchiliŭ kasacyju na prysud ŭdzielniku pracesaŭ pa spravie 19 śniežnia Parfiankovu;

10. Ludmiła Ihnatovič-Mišnieva, pamočnik prakurora Frunzienskaha rajona (sprava Daškieviča-Łobava);

11. Jarmalicki Siarhiej, načalnik Škłoŭskaj kałonii;

12. Alaksandr Kavaloŭ, načalnik Horackaj kałonii;

13. Uładzimir Pałujan, ministr Ministerstva pa padatkach i zborach (sprava Bialackaha);

14. Uładzimir Kornaŭ, sudździa Minskaha haradskoha suda (sprava Bialackaha);

15. Šastakoŭ Maksim, prakuror, jaki pieradaŭ spravu Bialackaha ŭ Pieršamajski sud;

16. Volha Hierasimovič, prakuror, pieradała spravu Bialackaha ŭ Minski haradski sud.

Nahadajem, sankcyi ŭ dačynieńni da biełaruskich uładaŭ Rada ES uviała ŭ studzieni 2011 hoda ŭ adkaz na žorstki razhon demanstracyi paśla prezidenckich vybaraŭ 19 śniežnia 2010 hoda ŭ Minsku. Zaraz u śpisie čynoŭnikaŭ, jakim zabaronieny ŭjezd na terytoryju ES, — 208 proźviščaŭ.

U kancy maja ES pašyryŭ śpis: da 175 proźviščaŭ dadałosia jašče 13 — heta proźviščy sudździaŭ i prakuroraŭ, jakija ŭdzielničali ŭ pracesach nad fihurantami spravy ab masavych biesparadkach 19 śniežnia, zatym jašče čatyry asoby, ciapier — jašče 16.

• 0
• 0
• 0
• 0
• 0
• 0
• 0
• 0