Špacyry pa biełaruskaj Maskvie: «Biblijateka imia Lenina» 8

Siarod typovych «biełaruskich» miescaŭ u Maskvie redka nazyvajuć Rasijskuju dziaržaŭnuju biblijateku, za savieckimi časami viadomuju pad nazvaj Biblijateka imia Lenina albo «Leninka».

Miž tym, hałoŭnaja biblijateka Rasii maje biełaruskija karani.

Rasijskaja dziaržaŭnaja biblijateka (byłaja biblijateka Rumiancaŭskaha muzieja, byłaja Leninskaja)

Rasijskaja dziaržaŭnaja biblijateka

Rasijskaja dziaržaŭnaja biblijateka

Fiodar Dastajeŭski - rasijski piśmieńnik i naščadak litvinaŭ

Fiodar Dastajeŭski

Interjer biblijateki. Biust Nikałaja Rumiancava

Biblijateka źjaviłasia jak častka Rumiancaŭskaha muzieja, stvoranaha rasijskim dziaržaŭnym dziejačam i miecenatam hrafam Mikałajem (pa praŭdzie kažučy, usio ž Nikałajem, praz "n") Rumiancavym.

Asnovu knihazbora muzieja skłali vydańni i rukapisy, zdabytyja hrafam na terytoryi Biełarusi paśla jaje dałučeńnia da Rasijskaj impieryi

ŭ kancy 18 stahodździa. Biełaruskija mahnaty i klaštary mieli bahatyja biblijateki, jakija ŭ jakaści trafiejaŭ u vyniku apynulisia ŭ rasijskich rukach. Pavodle Adama Maldzisa, biblijateka spačatku raźmiaščałasia ŭ Homli, potym była pieraviezienaja ŭ Pieciarburh i adtul užo trapiła ŭ Maskvu.

Pa niedarečnaj postsavieckaj zvyčcy stancyja mietro, što zachodzicca pobač ź biblijatekaju, dahetul nazyvajecca «Bibliotieka imieni Lenina», chacia ad Lenina ŭ biblijatecy zachavaŭsia tolki nadpis na fasadzie.

Bolš za 90% histaryčnych kaštoŭnaściaŭ Biełarusi znachodziacca pa-za miežami krainy. Ładnaja častka ź ich — u Rasii. Ładnaja častka hetaj častki — u Rasijskaj dziaržaŭnaj biblijatecy.

Pa ironii losa

budynak sučasnaj biełaruskaj ambasady ŭ Rasii — były maskoŭski pałac taho samaha Nikałaja Rumiancava.

Biełaruś straciła knihi, ale ŭrešcie atrymała choć pryhožy dom u centry Maskvy.

U budynku Rasijskaj dziaržaŭnaj biblijateki pieryjadyčna arhanizoŭvaje lekcyi Maskoŭskaje tavarystva biełaruskaj kultury imia F. Skaryny — najstarejšaja biełaruskaja arhanizacyja ŭ Maskvie.

Pracuje biblijateka vielmi efiektyŭna: zapis kaštuje sto rasijskich rubloŭ (krychu bolš za try dalary) i zajmaje prykładna piać chvilin, knihi šerahu schoviščaŭ možna zamaŭlać praź internet.

Sučasny asnoŭny budynak biblijateki pabudavany ŭ 30-ja hh. minułaha stahodździa, jaŭlaje saboj dobry prykład vydatnaj «stalinskaj» architektury (adzinaja dobraja reč, jakuju možna nazvać «stalinskaj»). Unutry - pryhožy interjer z utulnaj skuranoj meblaj u čytalnych załach. Vielmi vartaje naviedvańnia miesca.

Pierad uvachodam u biblijateku bačym jašče adzin biełaruski śled: u dziŭnaj pozie na pastamiencie siadzić pomnik Fiodaru Dastajeŭskamu

. Viadoma, što hety ledź nie najbolš viadomy ŭ śviecie rasijski piśmieńnik byŭ naščadkam biełaruskaha šlachieckaha roda z-padJanava-Paleskaha.

Aleś Čajčyc

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH