U finalnym matčy parnaha razradu Adkrytaha čempijanatu Aŭstralii pa tenisie Maks Mirny i šved Jonas Bjorkman u subotu sastupili najlepšaj pary turniru i śvietu amerykancam-bliźniatam Bobu i Majku Brajanam - 5:7, 5:7.
Hulnia skončyłasia, kali ŭ Miensku jašče nie raźvidniełasia - roźnica z Melburnam składaje dzieviać hadzinaŭ. Pierad hetym zavieršyŭsia žanočy finał. Serena Ŭiljams upeŭniena pieramahła pradstaŭničku Rasiei ź biełaruskimi karaniami Maryju Šarapavu - 6:1, 6:2. Amerykanka stała trochrazovaj čempijonkaj Australian Open.
Cikava, što praz dva tydni biełarus i šved syjducca ŭ pajadynku adzin suprać druhoha. 9-11 lutaha ŭ Miensku projdzie matč Kubku Devisa Biełaruś - Švecyja.
Zaŭtra, u niadzielu, biełarusa čakaje jašče adzin finał Adkrytaha čempijanatu Aŭstralii. Razam ź Viktoryjaj Azarankaj u mikście jon zhulaje suprać kanadzka-rasiejskaj pary Denieł Niestar / Alena Lichaŭcava. Matč pačniecca a siomaj ranicy pa biełaruskim časie.
Zatym pačniecca mužčynski finał. Raže Federer (Švajcaryja) zhulaje suprać čylijca Fernanda Hansalesa.
Fota z sajtu Australianopen.com