Palityčnaja kamisija Partyi BNF pryniała rašeńnie sklikać arhkamitet śviatkavańnia Dnia niezaležnaści 25 Sakavika. Pavodle słovaŭ lidera partyi Vincuka Viačorki, arhkamitet musić być z šyrokim pradstaŭnictvam palityčnych partyjaŭ, niaŭradavych arhanizacyjaŭ i intelihiencyi. «25 sakavika musić stać hałoŭnym dniom viasny 2007, – śćviardžaje Vincuk Viačorka. – 25 sakavika musić stać nahodaj dla ahučvańnia našych padychodaŭ da budučyni Biełarusi. Siońnia jość tupik u raźvićci biełaruskaj ekanomiki, tupik u raźvićci biełaruskaj dziaržaŭnaści. I vyjście z usiaho hetaha – terminovyja demakratyčnyja reformy. Jany dazvolać nam viarnucca ŭ Eŭropu, atrymlivać surjoznuju dapamohu z boku Eŭrapiejskaha Źviazu i Złučanych Štataŭ Ameryki. I siońnia niezaležnaść jość kaštoŭnaściu dla bolšaj častki biełaruskaha narodu. Jak śćviardžaje ŭłada, niezaležnaść jość kaštoŭnaściu j dla jaje. Takim čynam ułada atrymlivaje mahčymaść zaśviedčyć, što na hlebie Niezaležnaści jana moža jadnacca z demakratyčnymi siłami».
