Za dva tydni kastryčnika siaredni kurs dołara vyras na 20%

Za pieršyja dva tydni kastryčnika siaredni kurs najaŭnaha dołara ZŠA ŭ biełaruskich kamiercyjnych bankach vyras na 20,4% (z 7.604 da 9.155 rubloŭ), śviedčyć pastajanny manitorynh kacirovak.

Pry hetym kurs kupli dołara pavysiŭsia na 18,7% (z 7.484 da 8.882 rubloŭ), prodažu — na 22,1% (z 7.724 da 9.428).

Z 1 pa 7 kastryčnika siaredni kurs pavialičyŭsia na 5,1%

(kupla — na 4,8%, prodaž — na 5,3%), z 8 pa 14 kastryčnika — na 14,6% (kupla — na 13,2%, prodaž — na 15,9%).

14 kastryčnika, paśla spynieńnia rostu kursu dołara na dadatkovaj handlovaj siesii BVFB (zafiksavany na papiaredniaj adznacy 9.010 rubloŭ), siaredni kurs najaŭnaha dołara źniziŭsia na 1% (z 9.244,5 da 9.155), kurs kupli — na 1,1% (z 8.977 da 8.882), prodažu — na 0,9% (z 9.512 da 9.428).

Maksimalny kurs kupli vyras za dva tydni z 7.600 da 9.100 rubloŭ, minimalny — z 6.900 da 8.600; minimalny kurs prodažu — z 7.640 da 9.150, maksimalny — z 8.150 da 10.300.

Roźnica pamiž siarednimi kursami kupli i prodažu pavialičyłasia z 240 rubloŭ (3,2%) da 546 (6,1%). Z 11 kastryčnika marža raście štodzień. Za čatyry dni jana pavialičyłasia ŭ 2 razy (z 277 rubloŭ).

Kurs dołara na dadatkovaj siesii pavysiŭsia za dva tydni miesiaca na 18,1%

(z 7.630 da 9.010 rubloŭ). Z 1 pa 7 kastryčnika rost skłaŭ 3,8% (da 7.920), z 8 pa 15 kastryčnika — 13,8%. Na asnoŭnaj siesii BVFB dołar padaražeŭ na 1,5% (z 5.640 da 5.725). U pieršy tydzień byŭ zafiksavany rost na 2,1% (da 5.758), u druhi — źnižeńnie na 0,6%, što źviazana z dasiahnieńniem kursam valutnaha košyka (dołar, jeŭra, rasijski rubiel) vierchniaj miažy kalidora (12%). Nacbank paniziŭ dołar u suviazi z umacavańniem jeŭra i rasijskaha rubla da hetaj valuty na zamiežnych placoŭkach. Rašeńnie ab admienie kalidora abo jaho pašyreńni aficyjna nie pryniata.

Kros-kursy dołara ŭ papularnym u biełaruskich turystaŭ abmiennym punkcie banka «Cytadel» na čyhunačnym vakzale Vilniusa vyraśli z pačatku kastryčnika z 7.190–7.690 da 7.820–9.480 rubloŭ.

Samy darahi dołar za biełarskija rubli ŭ bankach Łatvii.

14 kastryčnika bank «Norvik» prapanoŭvaŭ amierykanskuju valutu pa kros-kursie 16.613 rubloŭ, «SIEB-bank» — pa 19.185 rubloŭ. Pry hetym dniom raniej, kali dołar u Biełarusi praciahvaŭ chutka raści, u «Norviku» jon kaštavaŭ 28.667 rubloŭ, u «SIEB-banku» — 34.473 rubli.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH