«Ź inšaha boku, kali Michałok prymie vyklik sistemy i znojdzie sposab joj supraćstajać, jon stanie narodnym hierojem».
Muzyčny krytyk Arciemij Troicki ličyć, što lidaru hurtu «Lapis Trubiackoj» Siarhieju Michałku, jakim u Biełarusi zacikaviłasia prakuratura, lepš nie ryzykavać ułasnaj svabodaj i da pary adsiedziecca ŭ Rasi. Ź inšaha boku, kali Michałok prymie vyklik sistemy i znojdzie sposab joj supraćstajać, jon stanie narodnym hierojem. Takoje mierkavańnie Troicki vykazaŭ u intervju «Radajo Svaboda».
«Pakolki Siarhiej Michałok u Rasii vielmi papularny,
ja ŭpeŭnieny, što ŭsio naša muzyčnaje asiarodździe budzie ź im absalutna salidarnaje», — skazaŭ Troicki.
Na jaho dumku, samy składany vybar staić jakraz pierad samim Siarhiejem: abo jamu viarnucca na radzimu ŭ Biełaruś, abo zastacca ŭ Rasii. «Kali jon zastaniecca ŭ Rasii, kaniešnie ž, jamu tut budzie dastatkova kamfortna. Ja sumniavajusia, što našy ŭłady navat pry ŭsioj ich značnaj amaralnaści i dzieržymordavaści vyšluć Michałka, ekstradujuć jaho ŭ Biełaruś na źjadzieńnie łukašenkaŭskamu sudu», — skazaŭ muzyčny krytyk.
Ź inšaha boku, pradoŭžyŭ Troicki, kali Michałok zastaniecca ŭ Rasii, heta, kaniešnie, u niekatoraj stupieni budzie aznačać, što jon nie pajšoŭ da kanca.
«U hetym sensie byŭ by, kaniešnie, advažny ŭčynak z boku Michałka, kali b jon viarnuŭsia ŭ Biełaruś i daŭ by boj Łukašenku i jaho satrapam na biełaruskaj terytoryi. Tady heta było b, napeŭna, padobna na praces Hieorhija Dzimitrava ŭ fašysckaj Hiermanii»,— miarkuje Arciemij Troicki.
***
Jak paviedamlałasia raniej, Siarhiej Michałok vyklikany ŭ prakuraturu Centralnaha rajona Minska. Pozva z patrabavańniem źjavicca na dopyt była ŭručanaja maci muzykanta. Sam jon ciapier znachodzicca na hastrolach u Rasii.
Kryminalnaja sprava ŭ dačynieńni da lidara hurtu «Lapis Trubiackoj» Siarhieja Michałka nie raspačata. Jak stała viadoma BiełaPAN, orhany prakuratury pravodziać pravierku jaho krytyčnych vykazvańniaŭ u adras biełaruskich uładaŭ.
U apošni čas na biełaruskich i rasijskich
Hurt «Lapis Trubiackoj» uklučany ŭ niehałosny čorny śpis muzyčnych kalektyvaŭ i dziejačaŭ mastactva, dziejnaść jakich na terytoryi Biełarusi faktyčna zabaroniena. Na praciahu hoda kancerty hurtu ŭ Biełarusi nieadnarazova admianialisia, u toj čas jak za miažoj jaho vystupleńni karystajucca vialikim pośpiecham. Mnohija biełaruskija pakłońniki hurtu vymušanyja jeździć u susiednija krainy, kab pasłuchać vystupleńni «Lapisa».
Zhodna z hrafikam, raźmieščanym na sajcie hurtu, až da sakavika 2012 hoda muzykanty płanujuć hastralavać u Rasii, Ukrainie i Łatvii.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»17
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2626
Kamientary