Były palitviazień naźbiraŭ tolki na viasielnaje padarožža.
«NN»: Za kratami Vy raśpisalisia sa svajoj dziaŭčynaj. Nie płanujecie sapraŭdnaje viasielle?
PV: Ja mo i chacieŭ by, ale, pa ščyraści, hrošaj niašmat. U mianie ciapier hałoŭnaje — źjeździć u ramantyčnaje padarožža z žonkaj. Što ja i źbirajusia ździejśnić u listapadzie.
«NN»: Kali Vy pryjechali z kałonii, byli davoli badziorym, viasiołym. Turma — nie takoje i strašnaje miesca?
PV: Hledziačy jak usprymać. Treba vykarystoŭvać hety čas dla taho, kab siabie ŭdaskanalić, padumać i pravieryć siabie. Ja pierakanaŭsia, chacia i da hetaha byŭ nie słaby ducham čałaviek, što staŭ jašče macniejšym. Tam, biezumoŭna, strašna i drenna, ale ludzi mohuć žyć usiudy.
«NN»: Alesiu Kirkieviču za kratami prapanavali vyjechać za miažu. Da Vas z čymści padobnym źviartalisia?
PV: Nie. Mnie prapanoŭvali tolki ŭ pačatku śledstva skazać peŭnyja rečy pra siabie i pra eks-kandydataŭ u prezidenty na kamieru, kab paśla pakazać na BT. Maŭlaŭ, raskajvajusia, byŭ durniem, heta kandydaty mianie prymusili. Mnie tolki adzin raz prapanavali i pamiłavańnie padpisać — viedali, što ja ŭsio roŭna admoŭlusia. A dla spravazdačy pierad načalstvam treba było prapanavać.
«NN»: Čym zajmajeciesia na svabodzie: u palityku viarnulisia?
PV: Tak. U dadzieny momant ja znachodžusia na ofisie hramadzianskaj kampanii «Havary praŭdu»: vyrašajem pytańni, źviazanyja z pracaj kampanii.
«NN»: Vuličnyja akcyi ciapier varta pravodzić? Hučać prapanovy ŭvieści maratoryj.
PV: Liču, što akcyi karysnyja zaŭždy. Ale lepš surjoźniej padrychtavać akcyju, padumać nad jaje far matam, jak minimalizavać mahčymaść zatrymańnia, i tolki paśla jaje pravodzić.
***
Pavieł Vinahradaŭ. Naradziŭsia ŭ 1988 u Minsku. Fihurant «spravy čatyrnaccaci» za ŭdzieł u akcyi pratestu
pradprymalnikaŭ. Byŭ asudžany na dva hady abmiežavańnia svabody biez nakiravańnia ŭ papraŭčuju ŭstanovu. Na vybarach 2010 pracavaŭ u štabie Uładzimira Niaklajeva. Asudžany pa artykule «Masavyja biesparadki» na 4 hady kałonii ŭzmocnienaha režymu. Pamiłavany A.Łukašenkam 14 vieraśnia 2011.
Hladzi jašče: Palitviazień Pavieł Vinahradaŭ viarnuŭsia ŭ Minsk — fotarepartaž
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI6
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary