Eks-kiraŭnik JUKASa Michaił Chadarkoŭski, jaki adbyvaje turemny termin u kałonii ŭ Siehiežy, pieradaŭ praz advakataŭ adkazy na pytańni, jakija jamu zadali słuchačy radyjostancyi «Echo Moskvy», raźmiaściŭšaj u aŭtorak tekst adkazaŭ na svaim sajcie.
Na dumku Chadarkoŭskaha, revalucyja ŭ Rasii niepaźbiežnaja, ale ŭ bližejšaj pierśpiektyvie jaje čakaje doŭhi zastoj.
«Bajusia, što krainu čakaje doŭhi zastoj, palityčny kryzis i revalucyjnaja (vielmi spadziajusia, što biaskroŭnaja) źmiena ułady. Na žal. Sam Pucin nie sydzie, i realnaha pierajemnika ŭžo nie padrychtuje. Zadača libieralnaj apazicyi -- abaraniać kaštoŭnaści svabody i pravoŭ čałavieka ŭ hady zastoju, źmiakčyć chadu i nastupstvy revalucyi, stać aktyŭnaj i kanstruktyŭnaj častkaj postrevalucyjnaj kaalicyi», -- skazaŭ Chadarkoŭski.
