Nahadajem, 15 listapada ŭ sudzie pavinien razhladacca isk inśpiekcyi Ministerstva pa padatkach i zborach u dačynieńni da Stefanoviča. Padatkovaja inśpiekcyja Partyzanskaha rajona maje namier spahnać sa Stefanoviča 31 młn. 500 tys. rubloŭ nibyta ŭtojenaha padatku, a taksama pieniu. Suma raźličana ź jaho zamiežnych rachunkaŭ, infarmacyja pra jakija była pieradadziena ŭ Biełaruś ź Litvy.
«Učora ja pa pošcie adpraviŭ piśmovuju zajavu, što 15 listapada ja nie zmahu prysutničać na sudzie, tamu paprasiŭ pieranieści razbor na lubuju inšuju datu, na vyrašeńnie suda», — paviedamiŭ Stefanovič.
Aprača taho, pravaabaronca paviedamiŭ, što jaho skarha adnosna vyniesienaha jamu štrafu padatkovaj inśpiekcyjaj Partyzanskaha rajona budzie razhladacca ŭ Partyzanskim sudzie 23 listapada. Adpaviednuju pozvu jon atrymaŭ 9 listapada.
19 kastryčnika Stefanovič byŭ aštrafavany inśpiekcyjaj pa padatkach i zborach Partyzanskaha rajona stalicy na 4 młn. 750 tys. rubloŭ. Inśpiekcyja paličyła, što jon parušyŭ zakanadaŭstva «pa nieaściarožnaści». Pravaabaronca pryznany vinavatym u pravaparušeńni, praduhledžanym artykułam 13.6 Kodeksa ab administracyjnych pravaparušeńniach (niavypłata abo niapoŭnaja vypłata padatkaŭ).
