Pasažyrskija ciahniki z Ukrainy prybyvajuć u Biełaruś sa spaźnieńniem.
Tak, z spaźnieńniem ad adnoj hadziny da adnoj hadziny 40 chvilin prybyvaje 21 pasažyrski ciahnik z Ukrainy: 13 ciahnikoŭ, kančatkovymi punktami jakich źjaŭlajucca stancyi Biełaruskaj čyhunki, vosiem tranzitnych ciahnikoŭ, jakija iduć praz terytoryju Biełarusi ŭ Rasieju i Litvu. Jak rastłumačyli ŭ pres-słužbie BČ, heta vyklikana hadzinnaj roźnicaj u časie:
Biełaruś nie pierajšła, u adroźnieńnie ad Ukrainy, na zimovy čas. U suviazi z hetym čas prybyćcia i adpraŭleńnia pa stancyjach Biełaruskaj čyhunki adroźnivajecca ad času, nazvanaha ŭ prajaznych dakumientach.
Na BČ padkreślili, što paŭstała nieabchodnaść karekciroŭki raskładu ruchu pasažyrskich ciahnikoŭ jak pa terytoryi Ukrainy, tak i Biełarusi, Rasii i Litvy. Pry hetym karekciroŭka raskładu mahčymaja tolki ad 3 śniežnia (z daty, ź jakoj prajaznyja dakumienty nie pradavalisia).
Nahadajem, papiaredni prodaž prajaznych dakumientaŭ na pasažyrskija ciahniki ŭ krainach SND i Bałtyi ažyćciaŭlajecca za 45 sutak pry najaŭnaści ŭzhodnienaha ŭsimi datyčnymi čyhunačnymi administracyjami raskładu.
Infarmacyja ab źmianieńni raskładu pasažyrskich ciahnikoŭ raźmieščanaja na infarmacyjnych stendach i tabło stancyj pa maršrutach ciahnikoŭ, pieryjadyčna abjaŭlajecca dyktarami. Akramia taho, infarmacyju ab raskładzie hetych ciahnikoŭ možna atrymać u daviedačnych słužbach vakzałaŭ i stancyj BČ.
Padrabiaznuju infarmacyju ab źmienie raskładu ruchu ciahnikoŭ u znosinach z Ukrainaj možna atrymać na čyhunačnych vakzałach, a taksama pa telefonie 105.
