Charter97.org paviedamlaje pra aryšt Šaŭcova — raniejšaha favaryta Łukašenki 4

Pavodle infarmacyi internet-hazietyCharter97.org, Šaŭcoŭ apynuŭsia za kratami ŭ pačatku listapada.

Adnak ab aryšcie adnaho z raniejšych favarytaŭ Łukašenki aficyjna nie paviedamlałasia. Niama paćvierdžańniaŭ ci abviaržeńniaŭ i ad siamji Šaŭcova.

Padstavaj dla aryštu adnaho z klučavych piersanažaŭ u biełaruskim «paddašnym» biznesie nazyvajucca peŭnyja fakty ź dziejnaści Šaŭcova ŭ Vieniesuele.

Viktar Šaŭcoŭ atrymaŭ viadomaść jak staršynia naziralnaj rady ZAT «Trastbank». Raniej hety bank nazyvaŭsia «Infabankam». Paśla taho jak ZŠA nakłali na jaho sankcyi, abvinavaciŭšy ŭ šašniach z Sadamam Chusejnam, bank pierajmienavali.

Šaŭcoŭ mieŭ intaresy ŭ roznych śfierach: ad aŭtamabile-i enierhomašynabudavańnia da biźnies-centraŭ i muzieja «Dudutki».

Samyja vialikija hrošy «Infabank» (ciapier «Trastbank») realizoŭvaŭ ci sprabavaŭ realizoŭvać u dalokich krainach, jakija mieli asablivyja adnosiny z Łukašenkam. Padkantrolnyja biznesoŭcu kamiercyjnyja struktury viali aktyŭnuju dziejnaść u Iraku, Siryi, Livii, pracujuć ciapier u Iranie.

Struktury Šaŭcova byli ŭdzielnikami prahramy AAN «Nafta ŭ abmien na pradukty» ŭ Iraku. U žniŭni 2004 hoda amierykanskaja administracyja abvinavaciła «Infabank» u admyvańni hrošaj i dapamozie byłomu irackamu režymu. Biełaruski MZS usio admaŭlaŭ.

Z 2001 hoda ŭładalnikam 35% akcyj banka źjaŭlaŭsia bujny dziaržaŭny livijski bank — Livijski arabski zamiežny bank.

U aficyjnaha Minska i Šaŭcova byli ŭ svoj čas vialikija płany pa livijskim rynku. Ale livijcy nie pajšli dalej za abiacańni i na fonie paciapleńnia adnosin z ZŠA i Jeŭropaj vyjšli ź liku akcyjanieraŭ banka ŭ 2008 hodzie.

Tady ŭ «Trastbanka» źjavilisia novyja partniory — Iran Machmuda Achmadziniežada i Vieniesueła Uha Čaviesa.

Jak paviedamlała internet-vydańnieZautra.by «Trastbank» aktyŭna supracoŭničaje ź iranskimi biźniesoŭcami jak u samoj Biełarusi (jon udzielničaje sumiesna z «Kiejsan» u zabudovie terytoryi kala Nacyjanalnaj biblijateki, jakoje viadzie ZTAA «Biełpars»), tak i ŭ Vieniesuele.

Toj ža «Biełpars» razam z «Trastbank» i dźviuma biełaruskimi budaŭničymi kampanijami — AAT «Budaŭničy trest № 8» (Brest) i AAT «Homielprambud» sfarmavali akcyjanierny kapitał ZAT «Biełzamiežbud». U ciapierašni čas heta zakrytaje akcyjaniernaje tavarystva, staršynioj naziralnaj rady jakoha źjaŭlajecca toj samy Viktar Šaŭcoŭ.

ZAT «Biełzamiežbud» šmat čaho budavała, a taksama ažyćciaŭlała maštabnyja pastaŭki biełaruskaj pradukcyi na vieniesuelski i łacinaamierykanski rynak.

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH