Ministerstva achovy zdaroŭja inicyjuje raspracoŭku zakonaprajekta pa rehulavańni hramadskich adnosin u śfiery tytuniekureńnia. Pra heta paviedamiła zahadčyca adździeła hramadskaha zdaroŭja Respublikanskaha centra hihijeny, epidemijałohi i hramadskaha zdaroŭja Volha Bartman.
Pavodle jaje słoŭ, inicyjatyva viedamstva ŭžo atrymała ŭchvaleńnie ŭ Saŭminie. Zaraz idzie praca nad uklučeńniem prajekta hetaha narmatyŭna-pravavoha akta ŭ płan na 2013 hod.
Pavodle słoŭ śpiecyjalista, zakonaprajekt "budzie rehulavać hramadskija adnosiny, jakija tyčaccca spažyvańnia tytuniu, supraćdziejańnia hetamu". U im buduć adlustravanyja asnoŭnyja terminy ŭ śfiery tytuniekureńnia.
Płanujecca prapisać pytańni, źviazanyja z abmiežavańniem kureńnia ŭ hramadskich miescach i, mahčyma, poŭnaj zabarony hetaha.Namiačajecca vyklučyć mahčymaść uskosnaj rekłamy tytuniovych vyrabaŭ, jakaja dastatkova šyroka raspaŭsiudžana ŭ Biełarusi.
U cełym, pavodle słoŭ Bartman, u zakonaprajekcie płanujecca prapisać "ahulnyja pałažeńni, jakija paciahnuć dalejšyja źmianieńni ŭ dziejnyja narmatyŭnyja akty".
Śpiecyjalist paviedamiła, što
ŭ miežach Mytnaha sajuza i JeŭrAzES raspracoŭvajecca techničny rehłamient na tytuniovuju pradukcyju.26 kastryčnika pieršy prajekt techrehłamientu byŭ dapracavany z ulikam zaŭvah troch bakoŭ — Rasii, Kazachstana i Biełarusi. Prajekt skiravany na publičnaje abmierkavańnie, jakoje pavinna pravodzicca na praciahu dvuch miesiacaŭ. Paśla ŭniasieńnia kančatkovych źmianieńniaŭ u prajekt jon budzie zaćvierdžany.
Pa prapanovie Biełarusi ŭ prajekt techrehłamientu ŭklučanyja ŭ tym liku i patrabavańni da ŭpakoŭki tytuniovych vyrabaŭ. U pryvatnaści,
prapanavana vykarystać u afarmleńni ŭpakovak tytuniovych vyrabaŭ, aprača papiaredžalnych nadpisaŭ, karcinki, jakija nahladna pakazvajuć škodu arhanizmu ad spažyvańnia tytuniu.Karcinki-piktahramy byli ŭchvalenyja savietam pa achovie zdaroŭja pry JeŭrAzES. U hetym prajekcie techrehłamientu prapisana, što karcinki raspracoŭvajuć kampietentnyja orhany, zvyčajna orhany achovy zdaroŭja dziaržaŭ, a ŭ budučym jany zaćviardžajucca kamisijaj Mytnaha sajuza.