MUS: Sańnikaŭ etapavany «z pryčyny niebiaśpieki dla žyćcia i zdaroŭja»

Andrej Sańnikaŭ, kandydat u prezidenty Biełarusi na vybarach 2010 hoda, etapavany ŭ adnu z papraŭčych kałonij Viciebskaj vobłaści. Ab hetym jaho žoncy Irynie Chalip paviedamiŭ 16 listapada časovy vykanaŭca abaviazkaŭ načalnika Departamienta vykanańnia pakarańniaŭ MUS Siarhiej Pracenka.

«

Heta toj samy Pracenka, jaki paŭtara miesiaca tamu tłumačyŭ mnie pry pieravodzie Sańnikava ŭ babrujskuju kałoniju: jamu tam budzie lepš. Adnak ciapier jon zajaviŭ, što z pryčyny niebiaśpieki dla žyćcia i zdaroŭja Sańnikava jon pieraviedzieny z babrujskaj kałonii № 2 u Viciebskuju vobłaść.

Pavodle infarmacyi Pracenki,

Sańnikava buduć etapavać u kałoniju znoŭ praz mahiloŭskuju turmu

Chalip taksama paviedamiła: na minułym tydni da jaje nadyšła infarmacyja ab tym, što

ŭ babrujskaj kałonii № 2 Sańnikavu z-za prablem sa zdaroŭjem dazvolili lažać dniom, što zvyčajna nie praktykujecca.

Što tyčycca miescaznachodžańnia Sańnikava, dyk, pa słovach Chalip, Pracenka rekamiendavaŭ advakatu palityka samomu vyśviatlać, dzie znachodzicca jaho padabaronny.

Na terytoryi Viciebskaj vobłaści raźmiaścilisia piać papraŭčych kałonij: № 8 i 12 — u Oršy, № 3 — u Viciebskim rajonie, № 10 — u Navapołacku, № 3 — u Hłybokim.

Pra toje, što Sańnikava ŭ Babrujsku niama, stała viadoma ranicaj 16 listapada. Siońnia z palitykam pavinien byŭ sustrecca jaho advakat, adnak u kałonii jamu zajavili, što Sańnikava pieraviali. Kudy jon etapavany, u suviazi z čym i na jakoj padstavie heta zroblena, advakatu nie patłumačyli.

Chalip adrazu ž adpraviłasia ŭ DVP z metaj vyśvietlić znachodžańnie svajho muža, adnak kiraŭnictva departamienta admoviłasia jaje pryniać, paraiŭšy pryjści ŭ piatnicu — pryjomny dzień.

Atrymaŭšy admovu, Chalip napisała zajavu na imia Pracenki z patrabavańniem nieadkładna paviedamić, dzie znachodzicca jaje muž, dać jamu sustreču z advakatam i spynić u dačynieńni da Sańnikava niezakonnyja dziejańni. Paśla hetaha žonku asudžanaha palityka zaprasili na pryjom.

Dziažurny DVP, pryniaŭšy zajavu, paprasiŭ pakazać paštovy adras, pa jakim možna dasłać adkaz, adnak Chalip zajaviła, što patrabuje nieadkładnaj infarmacyi ab znachodžańni muža. Praz prykładna 15 chvilin toj ža dziažurny paviedamiŭ, što Chalip prymuć.

Pierad tym, jak napisać zajavu, Chalip zaprasiła žurnalistaŭ pryjści ŭ DVP.

Jaje papiaredzili: kali pradstaŭnikoŭ ŚMI źbiarecca šmat, heta budzie rasceniena jak niesankcyjanavanaja akcyja z usimi nastupstvami.

Nieŭzabavie paśla pryjezdu žurnalistaŭ u budynku DVP źjavilisia supracoŭniki milicyi ŭ cyvilnym, siarod jakich byŭ namieśnik načalnika HUUS Minharvykankama — načalnik milicyi hramadskaj biaśpieki Ihar Jaŭsiejeŭ. Adnak abyšłosia bieź incydentaŭ.

• 0
• 0
• 0
• 0
• 0