U Fanipali, što ŭ Dziaržynskim rajonie, adnoŭlenaja padača vady. «Padača vady adbyvajecca pa zvyčajnamu hrafiku. Jak tolki pačali pisać u presie, to niedzie praz tydzień pytańnie było vyrašana», — paviedamili ŭ Fanipalskaj ŽKH.
Nahadajem, što ŭ siaredzinie kastryčnika vadu ŭ žyłyja damy Fanipala pačali padavać pavodle admysłovaha hrafika. Heta vyklikała narakańni ŭ žycharoŭ horada, jany pačali źviartacca ŭ presu.
Pieraboi z vadoj byli vyklikanyja tym, što ahrakambinat «Dziaržynski» ŭdvaja pavialičyŭ abjomy vytvorčaści. Pradpryjemstva stvaraje da 2/3 ahulnaha abjomu vałavoha praduktu Dziaržynskaha rajona, spynieńnie vytvorčaha pracesu pahražała šmatmiljonnymi stratami. Tamu było vyrašana nie spyniać praces vytvorčaści i adnačasova buryć dadatkovyja śvidraviny. Žycharoŭ horada paprasili z razumieńniem pastavicca da situacyi i pačakać da 20 — 25 listapada, kali, zhodna raźlikaŭ, musili zapracavać novyja śvidraviny.
