«majučy na ŭvazie, što ciapier heta całkam vaša pradpryjemstva».
«Hazpram» pačaŭ padrychtoŭku da sinchranizacyi pracy «Biełtranshaza» z adzinaj sistemaj hazazabieśpiačeńnia Rasijskaj Fiederacyi, paviedamiŭ kiraŭnik «Hazprama» Alaksiej Miler 3 śniežnia na sustrečy z prem'
«Hazpram» apłaciŭ druhija 50% AAT «Biełtranshaz», i my zapłacili 2,5 miljarda dołaraŭ za hety pakiet našym biełaruskim siabram.
Na siońniašni dzień prava ŭłasnaści na hetyja druhija 50% całkam aformleny i «Hazpram» staŭ uładalnikam 100% akcyj «Biełtranshaza», — cytuje Milera RIA Novosti.
«Ciapier my pracujem nad padrychtoŭkaj da sinchranizacyi pracy «Biełtranshaza» z adzinaj sistemaj hazazabieśpiačeńnia Rasijskaj Fiederacyi pa normach i standartach ekspłuatacyi techničnaha absłuhoŭvańnia, jakija pryniatyja ŭ «Hazpramie». Biez sumnieńnia, heta pavialičyć stabilnaść i nadziejnaść pastavak hazu jak dla biełaruskich spažyŭcoŭ, tak i ŭ krainy Jeŭropy», — paviedamiŭ kiraŭnik «Hazproma».
Pucin u svaju čarhu zakranuŭ pytańnie ŭzroŭniu zarpłat u «Biełtranshazie». «Mabyć, vam treba budzie padumać nad pavyšeńniem uzroŭniu zarabotnaj płaty, majučy na ŭvazie, što ciapier heta całkam vaša pradpryjemstva. A ŭ adpaviednaści z peŭnaj kateharyjnaściu «Hazprama» pradpryjemstvy takoha rodu pavinny mieć adpaviedny ŭzrovień zarabotnaj płaty. Vyhladaje pa ŭsim, razy ŭ dva vam tre budzie pavialičyć uzrovień zarabotnaj płaty ŭ «Biełtranshazie», — adznačyŭ jon.Dahavor ab prodažy 50% akcyj «Biełtranshaza» «Hazpramu» byŭ padpisany ŭ Maskvie 25 listapada. Takim čynam, rasijski hazavy chołdynh kansalidavaŭ 100% akcyj biełaruskaha pradpryjemstva.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy11
Kamientary