Respublikanskaje hramadskaje abjadnańnie «Biełaja Ruś» moža być pieraŭtvorana ŭ partyju ŭžo ŭ nastupnym hodzie. Pra heta paviedamiŭ u intervju prahramie «Karcina śvietu» na telekanale «RTR-Biełaruś» namieśnik staršyni pałaty pradstaŭnikoŭ, namieśnik staršyni RHA «Biełaja Ruś» Viktar Huminski.
«U hetym hodzie ŭžo mała času zastajecca, ale, dumaju, u nastupnym pavinna atrymacca», — skazaŭ Viktar Huminski.
Pry hetym jon padkreśliŭ, što paradak ustupleńnia ŭ partyju budzie nasić vyklučna dobraachvotny charaktar.
Havoračy ab tym, jakoj budzie novaja partyja, Viktar Huminski adznačyŭ:
«My nie chočam być takoj partyjaj, jakija jość siońnia ŭ respublicy, jakich narod zusim nie viedaje, ci nie prymaje, nijakaha davieru da ich niama i nijakaha imidžu ŭ hetych partyj taksama niama.U toj ža čas my ličym, što treba ŭmacavać svaje šerahi, zavajavać bolš aŭtarytetu ŭ hramadstvie». Pa słovach namieśnika staršyni RHA, siońnia mnohija viedajuć, što takoje «Biełaja Ruś», na prykładzie vialikich i małych spraŭ abjadnańnia. «Pryčym my robim heta nie za hrošy padatkapłacielščykaŭ, nie za hranty z-za miažy, a za svaje kreŭnyja ŭznosy, jakija zdajem.
Nijakich hrantaŭ, u tym liku i ad dziaržavy, my nie atrymlivajem i nie prosim, prablemy dla dziaržavy zusim nie robim , ale nie chavajem taho, što naša pazicyja — padtrymka ŭłady»,— skazaŭ jon.
0
0
0
0
0
0
