Na sajcie HUUS Minharvykankama źjaviŭsia artykuł «HUUS: čamu BiełaPAN zamoŭčvaje fakty?» U im pravaachoŭnyja orhany vykładajuć aficyjnuju viersiju historyi, jakaja adbyłasia ŭ Traktarnym pasiołku (Partyzanski rajon stalicy) 17 listapada.Žurnalist «Biełaruskich navinaŭ» piša, što tam za adzin viečar byli zatrymanyja i dastaŭlenyja ŭ milicyju niekalki dziasiatkaŭ padletkaŭ. Toje, jak ź imi tam abychodzilisia, pavodle słovaŭ žurnalista. vyklikała narakańni ŭ niekatorych z zatrymanych i ich baćkoŭ.
«16 listapada 2011 (za sutki da apisvanych aŭtaram padziej) u dziažurnuju častku Partyzanskaha RUUS h. Minska ŭ 19.10 patelefanavała vychavalnica Minskaha kadeckaha vučylišča, — paviedamlajecca ŭ artykule HUUS. — Jana paviedamiła, što 10 chvilin tamu nieviadomyja padletki źbili kursantaŭ vučelni. I nie ŭ pieršy raz: chulihanskija napadu nieviadomych na kadetaŭ adbyvalisia i raniej, pryčyna — u vybary kursantami svajoj budučaj prafiesii…
U vyniku pieršapačatkovaj pravierki
było ŭstanoŭlena, što kanflikty z navučencami kadeckaha vučylišča pravakujuć niepaŭnaletnija, jakija pražyvajuć na terytoryi Partyzanskaha rajona. Mała taho — jany źbiralisia źbivać kursantaŭ kožny viečar na praciahu praciahłaha času.
Supracoŭniki kryminalnaha vyšuku i inśpiekcyi pa spravach niepaŭnaletnich Partyzanskaha RUUS na nastupny dzień (17 listapada) kala 20.00 praviali kompleks prafiłaktyčnych mierapryjemstvaŭ.
Ź miesca ŭčorašniaj bojki i z prylehłaj terytoryi ŭ Partyzanski RUUS (biez prymianieńnia fizičnaj siły i śpiecyjalnych srodkaŭ) byŭ dastaŭleny 31 čałaviek.
U vyniku dalejšaj pracy
była ŭstanoŭlena dačynieńnie da źbićcia kursantaŭ vaśmiarych padletkaŭ.Akramia taho, pry praviercy było ŭstalavanaje dačynieńnie da ździajśnieńnia kvaternaha kradziažu (pa vuł. Kašavoha) dvuch niepaŭnaletnich ź liku dastaŭlenych u RUUS, z pryčyny čaho jany byli daktyłaskapiravanyja. A ŭ dačynieńni da jašče traich padletkaŭ vyjaŭlenyja administracyjnyja pravaparušeńni, praduhledžanyja artykułami 17.1 (Drobnaje chulihanstva) i 17.3 (Raśpićcio ałkaholnych, słabaałkaholnych napojaŭ ci piva ŭ hramadskim miescy albo źjaŭleńnie ŭ hramadskim miescy abo na pracy ŭ stanie apjanieńnia) Kodeksa ab administracyjnych pravaparušeńniach.
Pry praviadzieńni prafiłaktyčnych mierapryjemstvaŭ prysutničaŭ pradstaŭnik upraŭleńnia adukacyi administracyi Partyzanskaha rajona, jak taho patrabuje zakanadaŭstva. Paśla ŭstalavańnia asoby usie niepaŭnahadovyja byli pieradadzienyja baćkam», — paviedamlaje HUUS.
Taksama pravaachoŭnyja orhany tłumačać, što ŭ prakuratury
žurnalistu nie prakamientavali zdareńnie tamu, što pravodziłasia pravierka pa fakcie zajavy baćkoŭ zatrymanych padletkaŭ.Jana praciahvajecca dahetul. Niama i kančatkovych vynikaŭ
Kamientary