Advakata Andreja Sańnikava znoŭ nie dapuścili da padabaronnaha 3

paviedamiła žonka viaźnia Iryna Chalip.

Pavodle jaje słoŭ, advakat płanavaŭ naviedać eks-kandydata 8 śniežnia. «Jon pakinuŭ zapis u knizie skarhaŭ i pajechaŭ pa znajomym kruzie: padavać skarhi ŭ prakuraturu Viciebskaj vobłaści, u viciebskaje ŭpraŭleńnie departamienta vykanańnia pakarańniaŭ», — skazała Chalip.

Papiaredniaja biespaśpiachovaja sproba advakata trapić da Sańnikava była zroblena 23 listapada.

Chalip zaznačyła, što na minułym tydni padała skarhu ŭ Hienieralnuju prakuraturu na dziejańni supracoŭnikaŭ departamienta vykanańnia pakarańniaŭ, jakija nie dapuskajuć advakata da jaje muža. «Ja zapatrabavała raspačać u dačynieńni da ich kryminalnuju spravu. U lubym vypadku heta sprava budzie raspačata, nie zaraz, dyk potym. I ŭsie hetyja skarhi i zapisy buduć źjaŭlacca dokazam pa spravie», — padkreśliła Chalip.

Kandydat u prezidenty Biełarusi na vybarach 2010 hoda Andrej Sańnikaŭ znachodzicca ŭ papraŭčaj kałonii «Vićba-3» pad Viciebskam.

14 maja sud Partyzanskaha rajona Minska pryhavaryŭ Sańnikava da piaci hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu. Adbyvaŭ pakarańnie ŭ Navapołacku, potym byŭ pieraviedzieny ŭ Babrujsk.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH