Pa vynikach pracy ŭ studzieni-kastryčniku 2011 hoda stratnymi byli 661 pradpryjemstva i arhanizacyja, abo 7,6% ad ahulnaj kolkaści, paviedamiła pres-słužba Nacyjanalnaha statystyčnaha kamiteta. Dla paraŭnańnia: za taki ž letašni pieryjad sa stratami spracavali 6,6% arhanizacyj (576).
Za dziesiać miesiacaŭ hetaha hoda suma čystych strataŭ skłała 4,3 trłn. rubloŭ, abo ŭ 4,4 razu bolš, čym za studzień-kastryčnik 2010 hoda.
Udzielnaja vaha stratnych pradpryjemstvaŭ pa vidach ekanamičnaj dziejnaści skłała: sielskaja haspadarka, palaŭnictva i lasnaja haspadarka — 1,3% (u studzieni-kastryčniku 2010 hoda — 1,5%); pramysłovaść — 11,4% (12%), u tym liku hornazdabyŭnaja — 10% (3,3%), apracoŭčaja — 10,1% (12,4%); vytvorčaść i raźmierkavańnie elektraenierhii, hazu i vady — 24,2% (9,5%); budaŭnictva — 14,3% (6,5%); handal i ramont bytavych vyrabaŭ i aŭtamabilaŭ — 4,7% (5,6%); hateli i restarany — 6,6% (8,4%); transpart i suviaź — 4,2% (3,9%); apieracyi ź nieruchomaj majomaściu, arenda i akazańnie pasłuh spažyŭcam — 5,5% (5,1%); adukacyja — 3,3% (2,2%); achova zdaroŭja i sacyjalnyja pasłuhi — 12% (2,2%); kamunalnyja, sacyjalnyja i piersanalnyja pasłuhi — 10,7% (11,9%).
Pavodle źviestak Biełstata, rentabielnaść prodažu za studzień-kastryčnik 2011 hoda skłała 10,3% i ŭzrasła ŭ paraŭnańni z hetkim ža letašnim pieryjadam na 3,8%.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
